Vato. 7 - Bhaibheri Rakachena muChindau

Gidheoni Unonyisa VaMidhiani

¹ Zvino Jerubhaari (uwo ndiye Gidheoni), nevanhu vehondo veshe vaiya naye, vakamuka mangwanani maishi, vakaemesa matende avo ngepasinde pechinyuka chaHarodhi; nematende evaMidhiani aiya ngorutii rwedera rwavo, ngomubani mweMutunhu weMore.

² Mambo Mwari wakati kunaGidheoni, “Vanhu vounavo vakanyanya kuwanda kuti ndikupire vaMidhiani munyara dzako, kuti vaIsuraeri vasadziganzisa kwendiri vechiti, ‘Nyara yangu ndiyo yakandiponesa.’

³ Ndizvo zvino enda, udaidzire mukuzwa kwevanhu wechiti, ‘Uwo unotya nokuita maharura, ngaapetuke kanyi kubva kuMutunhu Gireadhi.’ ” Kwakapetuka sure vanhu makumi mairi namairi emakumi emazana (22,000); kwakasara gumi remakumi emazana (10,000).

⁴ Zvino Mambo Mwari wakati kunaGidheoni, “Vanhu vachakandowanda; dzaka navo kumvura, neni ndinozovaedzera iwewe apo. Naapo wendinozoti, ‘Uyu unozoenda newe,’ ndiye unozoenda newe; naapo wendinozoti, ‘Uyu aazoendi newe,’ aazoendi.”

⁵ Ndizvo wakadzaka nevanhu kumvura; naMambo Mwari wakati kunaGidheoni, “Vanhu veshe vanokapa mvura ngorurimi rwavo, kudai ngezvinokapa imbwa, avo unozovaisa vega; veshe vanogwadama kumwa mvura, vechiisa nyara dzavo pamuromo, unozovaisa vega.”

⁶ Nouwandu hwaavo vakakapa, vechiisa nyara yavo pamuromo, vaiya vamuna mazana matatu (300); asi uzhinji hwevanhu vakasara vakaita zvokugwadama kunatira mvura.

⁷ Zvino Mambo Mwari wakati kunaGidheoni, “Ngevamuna mazana matatu (300) avo vakakapa mvura, ndinozomuponesa, nokupira vaMidhiani munyara dzako. Tendera vanhu vamweni veshe kuti vaende munhu weshe kundau yake.”

⁸ Ndizvo vakatora mbuva yavo munyara dzavo, nemagwama avo; naye wakapetudza vanhu vamweni vaIsuraeri munhu weshe kutende rake, asi wakasara naava vamuna mazana matatu (300). Kamba yevaMidhiani yaiya ngepashi pake mubani.

⁹ Ngouhwo usiku Mambo Mwari wakati kwaari, “Miruka, udzake urwise kamba; ngokuti ndaipira munyara dzako.

¹⁰ Asi kudai wechitya kurwisa, dzaka iwewe naPhura muranda wako kukamba.

¹¹ Newe unozozwa zvevanoronza; ngesure kweizvo nyara dzako dzinozogwinyiswa kuti urwise kamba iyo.” Zvino wakadzaka nomuranda wake Phura metsa kumigano yokubanze yevarwi vehondo avo vaiya mukamba.

¹² VaMidhiani, nevaAmareki, nevanhu veshe vokumabvazuva vaiya varimwo mubani vakawandisa kudai ngendongwe, nemakamera awo akawandisa asikaerengeki kudai ngejecha riri pahumbikumbi yoruandhle.

¹³ Naapo Gidheoni aguma, waiyapo munhu waironza hope dzake kuneshamwari yake echiti, “Ndarota hope, muhope idzi ndaona chingwa chebhari chakawira mukati mwehondo yevaMidhiani, chakaguma kunetende, chikarichaya kwokuti rakawa, chakaripinduridza, metsa tende rakati serere nepashi.”

¹⁴ Neshamwari yake yakamupingura ikati, “Ichi achiri chiro chimweni asi ndiyo shoti yaGidheoni mukororo waJoashi munhu wevaIsuraeri. Munyara dzake Mwari wapiramwo vaMidhiani nehondo yavo yeshe.”

¹⁵ Apo Gidheoni azwa kuronzwa kweidzi hope, nokududzirwa kwadzo, wakadira, wakahwirira kukamba yevaIsuraeri, akati, “Mirukai, ngokuti Mambo Mwari wakapira munyara dzenyu hondo yevaMidhiani.”

¹⁶ Wakaparadzanisa vamuna avo vaiya mazana matatu (300) kuita zvikwata zvitatu, naye wakapa gwama munyara yomunhu weshe, pamwepo nejomeya risina chiro, kwega chivheneko chaiya mukati.

¹⁷ Wakati kwevari, “Ringirai kwendiri, muitewo kudaro; zvino apo ndoguma kwakagumira kamba, chendinozoita, nemwi munozochiitawo.

¹⁸ Naapo ndoridza gwama, inini neavo vanonga vaneni, imwimwi ridzaiwo magwama muri kumarutii eshe ekamba, mudaidzire mwechiti, ‘NgeyaMambo Mwari, neyaGidheoni!’ ”

¹⁹ Ndizvo Gidheoni nevamuna zana (100) vaiya naye vakaguma apo kwakagumira kamba ngomukuwo wokuamba kwomurindo wepakati pousiku, nevarindi vachaamba kuiswa: vakaridza magwama vakaputsa majomeya aiya munyara dzavo.

²⁰ Ndizvo zvikwata zvitatu zvakaridza magwama, vakaputsa majomeya, vakamirudza zvivheneko ngenyara dzavo dzokumuoshwe, nemagwama okuridza ari kunyara yavo yokumudyo; navo vakadaidzira vechiti, “Shoti yaMambo Mwari, neyaGidheoni!”

²¹ Vakaema munhu weshe kundau yake vakatendenedza kamba; nehondo yeshe yakarumba yakaboorera, yakatiza.

²² Naapo mazana matatu (300) paakaridza magwama, naMambo Mwari wakaita kuti munhu weshe abaye ngeshoti shamwari yake, mukati mwehondo yeshe; nehondo yakatiza kuenda Bhethishita rakaringirana naZerera, metsa kuguma kumugano weAbherimehora, kuguma Tabhathi.

²³ Nevamuna vaIsuraeri vakadziunganidza pamwepo kubva Nafitari, nokubva Asha, navo veshe vaManase, vakarumbirira vaMidhiani.

²⁴ Zvino Gidheoni wakatuma nhumwa kuhamba munyika yemitunhu yeshe yaEfuremu echiti, “Dzakai kurwisana nevaMidhiani, muvatsiirire vasati vaguma kundwizi, metsa kuguma Bhethibhara neJorodhani.” Ndizvo vamuna veshe vaEfuremu vakaunganidzwa pamwepo, navo vakatsiira ndwizi metsa kuguma Bhethibhara neJorodhani.

²⁵ Vakabata nduna mbiri dzevaMidhiani, Orebhi naZeebhi; vakauraya Orebhi paruware runozwi Orebhi, naZeebhi vakamuuraira pokukamura vhini paZeebhi, apo vakarumbirira vaMidhiani. Vakaunza soro raOrebhi neraZeebhi kunaGidheoni ngoruseri rumweni rweJorodhani.