Vato. 4 - Bhaibheri Rakachena muChindau

Dhebhora naBharaki

¹ VaIsuraeri vakaitazve zvakashata mukuona kwaMambo Mwari, ngesure kwokufa kwaEhudhi.

² Ndizvo Mambo Mwari wakavapira munyara dzaJabhini mambo wevaKhenani, uwo waitonga muHazori; nenduna yehondo yake waiya Sisera, uwo waigara muHaroshethihagoimu.

³ Zvino vaIsuraeri vakachema kunaMambo Mwari; ngokuti waiya nengoro dzesimbi dziri mazana mapfumbamwe (900), naye wakatambudza vaIsuraeri ngesimba makore makumi mairi.

⁴ Panguva iyo Dhebhora muprofeti womukadzi, mukadzi waRapidhothi, waitonga vaIsuraeri.

⁵ Waigara pashi pomuti womubvumo waDhebhora pakati paRama naBhetheri munyika yemitunhu waEfuremu; nevaIsuraeri vakauya kwaari kuti vatongwe.

⁶ Wakatuma, akadaidza Bharaki mukororo waAbhinoamu kubva Kedheshi muNafitari, akati kwaari, “Mambo Mwari, Mwari waIsuraeri unokupanga, ‘Enda, ukwedzere Mutunhu weThabhori, utore newe vamuna gumi remakumi emazana (10,000) kubva kudzinza raNafitari nedzinza raZebhuruni.

⁷ Neni ndinozokweera kwouri muBani reKishoni ushongane naSisera nduna yehondo yaJabhini, nengoro dzake nehondo yake; neni ndinozovapira munyara dzako.’ ”

⁸ Bharaki wakati kwaari, “Kudai wechizoenda neni, naapo ndinozoenda; asi kudai usikazoendi neni, andizoendiyo.”

⁹ Naye wakati, “Ngegwinyiso ndinozoenda newe; asi kunyazwi muhambo wounozohamba auzoremeredzwi, ngokuti Mambo Mwari unozopira Sisera munyara dzomunhu womukadzi.” Zvino Dhebhora wakamiruka, akaenda naBharaki Kedheshi.

¹⁰ Bharaki wakadaidza Zebhuruni naNafitari kuti vauye Kedheshi; naye wakakwira nevamuna gumi remakumi emazana (10,000) avo vakamuteera patsoka dzake; naDhebhora wakaendawo naye.

¹¹ Zvino Hebha muKheni waiya wevana vaHobhabhi vazvere vaMosi, waiya akadziparadzanisa kubva kuvaKheni vamweni, naye wakaemesa tende rake metsa kuguma pamuti womuokhi paZaananimu, iro riri pasinde peKedheshi.

¹² Naapo Sisera azwa kuti Bharaki mukororo waAbhinoamu waiya akatizira kuMutunhu weThabhori,

¹³ Sisera wakaunganidza pamwepo ngoro dzake dzeshe, ngoro mazana mapfumbamwe (900) dzesimbi, nevanhu veshe vehondo vaiya naye, kubvira Haroshethihagoimu metsa kuguma kuBani reKishoni.

¹⁴ Zvino Dhebhora wakati kunaBharaki, “Miruka! Ngokuti nyamashi izuva raanozopira Mambo Mwari Sisera munyara dzako. Mambo Mwari ngegwinyiso aazi kukutungamirira here?” Ndizvo Bharaki wakadzaka kubva kuMutunhu Thabhori, nevanhu gumi remakumi emazana (10,000) vechimuteera.

¹⁵ Mambo Mwari wakakangaidza Sisera, nengoro dzake dzeshe nehondo yake yeshe ngokupinza kweshoti, pamberi paBharaki; ndizvo Sisera wakadzaka kubva mungoro yake, akatiza ngetsoka dzake.

¹⁶ Naapo Bharaki wakarumbirira ngoro, nehondo yake, metsa kuguma Haroshethihagoimu. Hondo yeshe yaSisera yakaurawa ngokupinza kweshoti; akuna nomunhu naumwe wakasara.

¹⁷ Zvino Sisera wakatiza ngetsoka dzake metsa kuguma kutende raJaeri mukadzi waHebha muKheni; ngokuti kwaiyapo kuiyana pakati paJabhini mambo weHazori nevemhuri yaHebha muKheni.

¹⁸ Jaeri wakabuda kooshongana naSisera, akati kwaari, “Paukirai kupotera uno, mambo wangu, paukirai kwendiri; musatya.” Ndizvo wakapaukira kwaari kupotera mutende, iye wakamufukidza ngegudza.

¹⁹ Zvino wakati kwaari, “Ndipe mvura shomani yokumwa, ndinokupota; ngokuti ndapera ngenyota.” Ndizvo wakatsiura garafa romukaka, akamupa, akamufukidza.

²⁰ Naye wakati kwaari, “Ema ngepamusiwo wetende, kuti kukaguma munhu kunyazwi ngouri echibvunza kwouri echiti, ‘Pane munhu pano here?’ Unozoti, ‘Apana munhu.’ ”

²¹ Asi Jaeri mukadzi waHebha wakatora mbambo yetende nehamera munyara yake, wakakwedzera kwaari zviuyanani, naye wakarovera mbambo pahuma yake, metsa ikati potyo nepashi; ngokuti iye waiya akabatwa ngehope nokurembedzeka. Ndizvo wakafa.

²² Zvino apo Bharaki auya achiteera Sisera, Jaeri wakabuda kooshongana naye, wakati kwaari, “Uya, ndinozokupangidzira uwo munhu wounotsvaka.” Ndizvo wakapotera mutende rake, umwo mwaiya naSisera akaata afa, nembambo yaiya muhuma yake.

²³ Ndizvo Mwari wakanyisa Jabhini mambo weKhenani pamberi pevaIsuraeri ngeiro zuva.

²⁴ Zvino nyara yaIsuraeri yakabudirira, ikanyisa padera paJabhini mambo wevaKhenani, metsa yaparadza Jabhini mambo wevaKhenani.