Vato. 3 - Bhaibheri Rakachena muChindau

Madzinza Akasara muNyika

¹ Zvino aya ndiwo madzinza aakarekera Mambo Mwari, kuti aedze vaIsuraeri veshe avo vaiya vasikazi kuzia hondo naimwe muKhenani

² (kwega kuti mibarirwana yevaIsuraeri vazie hondo kuti vadzidziswe kurwa, kakurutu avo vaiya vasikazi kumbozia hondo ngekaretu):

³ madzimambo mashanu evaFiristia, vaKhenani veshe, vaSidhoni nevaHivhi vaigara mumutunhu weRebhanoni, kubvira kumutunhu Bhaariherimoni metsa kuguma Rebhohamathi.

⁴ Nawo aiya okuedza vaIsuraeri ndiwo, kuti kuziikane kuti vanozopurutana mipango yaMambo Mwari here, yaakapanga madzibaba avo kubudikidza ndiMosi.

⁵ Ndizvo vaIsuraeri vakagara pakati pevaKhenani, vaHiti, vaAmori, vaPherizi, vaHivhi nevaJebhusi;

⁶ navo vakatora vanasikana vavo kuita vakadzi vavo, vakapa vanasikana kuvakororo vavo kuita vakadzi, vakadira zvimwari zvavo.

Othinieri

⁷ VaIsuraeri vakaita zvakashata mukuona kwaMambo Mwari, vakariyarwa Mambo Mwari, Mwari wavo, vakadira vanaBhaari nevanaAshera.

⁸ Ndizvo ushungu hwaMambo Mwari hwakabaka kunevaIsuraeri, naye wakavatengesa munyara yaKushanirishathaimu mambo weMesopotamia; nevaIsuraeri vakashandira Kushanirishathaimu makore masere.

⁹ Naapo vaIsuraeri vachema kunaMambo Mwari, Mambo Mwari wakavapira musunhuri, uwo wakavasunungura, ndiOthinieri mukororo waKhenazi munun'una waKharebhu.

¹⁰ Mweya waMambo Mwari wakauya padera pake, naye wakatonga Isuraeri; akabuda kuenda koorwa; naMambo Mwari wakapa Kushanirishathaimu mambo weMesopotamia munyara dzake; nenyara yake yakanyisa mukurwa naKushanirishathaimu.

¹¹ Ndizvo nyika yaiya nokuzorora makore makumi marongomuna. Zvino Othinieri mukororo waKhenazi wakafa.

Ehudhi

¹² VaIsuraeri vakaitazve zvakashata mukuona kwaMambo Mwari; naMambo Mwari wakagwinyisa Egironi mambo wevaMoabhi kuti arwe nevaIsuraeri, ngokuti vaiya vaita zvakashata mukuona kwaMambo Mwari.

¹³ Wakaunganidza kwaari vaAmoni nevaAmareki, wakaenda akanyisa vaIsuraeri; vakatora dhorobha remiti yemibvumo.

¹⁴ Ndizvo vaIsuraeri vakashandira Egironi mambo wevaMoabhi makore gumi nemasere.

¹⁵ Asi apo vaIsuraeri vachema kunaMambo Mwari, Mambo Mwari wakavapa musunhuri, Ehudhi mukororo waGera, muBhenjamini, munhu waishandisa boshwe. VaIsuraeri vakatumira muthero ndiye kunaEgironi mambo weMoabhi.

¹⁶ Ehudhi wakadzinasirira shoti yemakara inopinza, urebu hwayo hwaida kuita masendimitha makumi mashanu; naye wakaisungira ngepashi pechokusimira chake pachizva chake chokumudyo.

¹⁷ Zvino wakaunza muthero kunaEgironi mambo weMoabhi. Zvino Egironi waiya munhu wakakora kakurutu.

¹⁸ Naapo Ehudhi aiya apedza kupa chipo, wakaendesa vanhu avo vaiya vakatwara chipo icho.

¹⁹ Asi iye pachake wakakunukuka ari pamiedzaniso yemapuwe yakatsetswa yaiya pasinde naGirigari, wakati, “Ndine izwi rakafishika rendinoda kumushumira, A Mambo.” Ndizvo mambo wakati, “Chimbonyarara!” Navo veshe vaiema pasinde pake vakabuda kubva kwaari.

²⁰ Ehudhi wakakwedzera kwaari, naye waigara mumhatso yomuturikwa yaitonhorera kuti apipirirwe, iyo yaaishandisa ari ega. Ehudhi wakati, “Ndine izwi rinobva kunaMwari kwouri.” Naye wakamiruka kubva pachigaro chake.

²¹ Zvino Ehudhi wakatambanudza nyara yake yeboshwe, wakatora shoti yake kubva pachizva chake chokumudyo, akamubaya ngomundani.

²² Chibato chayo chakapindawo nomupanga, nemafuta akanamira pashoti ngokuti aazi kushwamura shoti kubva mundani yake; netsvina yakabuda kubanze.

²³ Zvino Ehudhi wakabuda muberere, akamukonyera misiwo yemhatso yomuturikwa yokupipirirwa, akaipinginidza.

²⁴ Naapo aiya abuda, varanda vake vakauya. Naapo vaona kuti misiwo yemhatso yaiya yapinginidzwa, vakati, “Ngegwinyiso unodzisengamisa mumhatso yake yokupipirirwa.”

²⁵ Ndizvo vakagarira metsa vakatsveruka! Apo aiya asati abeura misiwo yemhatso yokupipirirwa vakatora chivhuro, vakaibeura.Waiyamwo mambo wavo akawa pashi afa pamavhu.

²⁶ Ehudhi wakazvonga apo vachaarairwa, wakapinda kudarika miedzaniso yemapuwe yakatsetswa, akatizira Seira.

²⁷ Apo aguma, wakaridza gwama munyika yemitunhu waEfuremu, nevaIsuraeri vakadzaka naye kubva munyika yemitunhu, naye echivatungamira.

²⁸ Wakati kwavari, “Nditeerenyi; ngokuti Mambo Mwari wapa magaa enyu vaMoabhi munyara dzenyu.” Ndizvo vakadzaka kumuteera, vakatsiira mazambuko eJorodhani akaringirana neMoabhi, avazi kutendera kuti munhu naumwe aambuke.

²⁹ Navo vakauraya vaMoabhi ngouwo mukuwo vamuna vaida kuguma makumi emazana gumi (10,000), avo veshe vaiya vakagwinya, veshe vari ngwazi; akuna munhu naumwe wavo wakapona.

³⁰ Ndizvo vaMoabhi vakanyiswa ngenyara dzevaIsuraeri ngeiro zuva. Nenyika yakaano kunyarara makore makumi masere.

Shamugari

³¹ Ngesure kwake kwakauya Shamugari mukororo waAnathi, uwo wakauraya mazana matanhatu (600) evaFiristia, ngomuti wokuchaira n'ombe. Nayewo wakasunhura vaIsuraeri.