Vato. 12 - Bhaibheri Rakachena muChindau

Jefetha nevaEfuremu

¹ Vamuna vokwaEfuremu vakadziunganidza pamwepo vakaambuka Zafoni, vakati kunaJefetha, “Wakaambuka ngenyi kuenda koorwa nevaAmoni, usikazi kutidaidza kuti tiende newe? Tinozopisha mhatso yako newe ngomuriro!”

² Jefetha wakati kwavari, “Inini nevanhu vangu tairwisana kakurutu nevaAmoni. Asi apo ndakamudaidza, amuzi kundinunura kubva kunyara dzavo.

³ Naapo ndaona kuti amuzi kundinunura, ndakadzipinza kupona kwangu mungozi, ndikaambuka kuenda kunevaAmoni, naMambo Mwari wakavapira munyara dzangu. Ndizvo mwauya ngenyi ngeiri zuva kwendiri kurwisana neni?”

⁴ Zvino Jefetha wakaunganidza pamwepo vanhu veshe vokwaGireadhi, vakarwisana nevokwaEfuremu; nevamuna veGireadhi vakanyisa vokwaEfuremu, ngokuti vakati, “Imwimwi vaGireadhi muri avo vakatiza kubva kuvaEfuremu, pakati pevaEfuremu nevaManase.”

⁵ Zvino vaGireadhi vakatsiira mazambuko eJorodhani pamberi pevaEfuremu. Naapo umwe wevakatiza wevaEfuremu wakati, “Rekai ndiambuke,” vamuna veGireadhi vakati kwaari, “Uri umwe wevaEfuremu here?” Naapo aironza kuti, “Haiwa,”

⁶ naapo vaiti kwaari, “Ronza zvino kuti, Shibhorethi,” naye aironza kuti “Sibhorethi,” ngokuti asaikona kurironza ngenjira kwayo. Zvino vaimubata nokumuuraya apo pazambuko reJorodhani. Kwakafa apo vokwaEfuremu ngouwo mukuwo vamuna makumi marongomuna nemairi emakumi emazana (42,000).

⁷ Jefetha wakatonga Isuraeri makore matanhatu. Zvino wakafa Jefetha muGireadhi, wakaikwa mudhorobha rake muGireadhi.

Ibhizani, Eroni naAbhidhoni

⁸ Ngesure kwake Ibhizani muBhetherehema wakatonga Isuraeri.

⁹ Waiya nevakororo makumi matatu. Wakaroodza vanasikana vake makumi matatu kunyika dzimweni, naye wakaunzira vakororo vake vakadzi makumi matatu kubva kunyika dzimweni. Wakatonga Isuraeri makore manomwe.

¹⁰ Naapo Ibhizani wakafa, wakaikwa muBhetherehema.

¹¹ Ngesure kwake Eroni muZebhuruni wakatonga Isuraeri; naye wakatonga Isuraeri makore gumi.

¹² NaEroni muZebhuruni wakafa, wakaikwa muAijaroni munyika yeZebhuruni.

¹³ Ngesure kwake Abhidhoni mukororo waHireri muPhirathoni wakatonga Isuraeri.

¹⁴ Waiya nevakororo makumi marongomuna nevakororo vevakororo vake vaiya makumi matatu, avo vaiagadha padera pezvimbongoro makumi manomwe. Wakatonga Isuraeri makore masere.

¹⁵ Zvino Abhidhoni mukororo waHireri muPhirathoni wakafa, akaikwa muPhirathoni munyika yaEfuremu, mumutunhu wevaAmareki.