Vato. 10 - Bhaibheri Rakachena muChindau

Thora

¹ Ngesure kwaAbhimerekhi kwakamiruka Thora mukororo waPhua, mukororo waDhodho, mukororo waIsakha, kurwira Isuraeri; naye waigara muShamiri munyika yemitunhu yeEfuremu.

² Wakatonga Isuraeri makore makumi mairi namatatu. Zvino wakafa, akaikwa muShamiri.

Jairi

³ Ngesure kwake kwakamiruka Jairi, muGireadhi, wakatonga Isuraeri makore makumi mairi nemairi.

⁴ Waiya nevakororo makumi matatu, vaigadha zvimbongoro makumi matatu; navo vaiya nemadhorobha makumi matatu, anodaidzwa kuti Havhothi-jairi metsa nanyamashi, ari munyika yeGireadhi.

⁵ Jairi wakafa, wakaikwa muKamoni.

Jefetha

⁶ VaIsuraeri vakaitazve zvakashata mukuona kwaMambo Mwari, vakadira vanaBhaari, nevanaAshitharothi, nezvimwari zvevaAramu, nezvimwari zvevaSidhoni, nezvimwari zvevaMoabhi, nezvimwari zvevaAmoni, nezvimwari zvevaFiristia. Vakamuriyarwa Mambo Mwari, avazi kumudira.

⁷ Ndizvo ushungu hwaMambo Mwari hwakabaka kunevaIsuraeri, naye wakavapira munyara dzevaFiristia, nomunyara dzevaAmoni,

⁸ navo vakatambudza vaIsuraeri nokuvanesa ngeiro gore. Vakavatambudza makore gumi nemasere veshe vaIsuraeri avo vaiya ngoruseri rweJorodhani munyika yevaAmori, iyi iri muGireadhi.

⁹ VaAmoni vakaambukawo Jorodhani koorwa naJudha, Bhenjamini nevemhatso yaEfuremu; ngokudaro vaIsuraeri vakatambudzika kakurutu.

¹⁰ VaIsuraeri vakachema kunaMambo Mwari vechiti, “Takashaisha kwouri ngokusiya Mwari wedu, nokudira vanaBhaari.”

¹¹ Mambo Mwari wakati kuvaIsuraeri, “Andizi kumusunhura here kubva kuvaEgipite, nokubva kuvaAmori, nokubva kuvaAmoni, nokubva kuvaFiristia?

¹² VaSidhoni, vaAmareki nevaMaoni vakamutambudza; nemwi mwakachema kwendiri, neni ndakamusunhura kubva kunyara dzavo.

¹³ Asi imwimwi mwakandisiya, mukadira zvimwari zvimweni; ndizvo andichamusunhurizve.

¹⁴ Endai muchemere zvimwari zvemwakatsanangura; ngazvimusunhure zvemene ngenguva yokutambudzika kwenyu.”

¹⁵ VaIsuraeri vakati kunaMambo Mwari, “Takashaisha; ita hako kwetiri kudai ngechinooneka chakanaka kwouri; asi kwega tisunhure, tinokupota, ngeiri zuva.”

¹⁶ Navo vakarasha kubva pakati pavo zvimwari zvipara vakamudira Mambo Mwari; nomweya wake wakatambudzika ngendaa yokutambudzwa kwevaIsuraeri.

¹⁷ Zvino vaAmoni vakadziunganidza pamwepo, vakaemesa matende avo muGireadhi. NevaIsuraeri vakadziunganidza pamwepo, vakaemesa matende avo muMizipha.

¹⁸ Nduna dzeGireadhi dzakati umwe kunoumweni, “Ndiani uwo munhu unozotanga kurwa nevana vaAmoni? Iye unozoita mukuru padera pevagari veshe veGireadhi.”