Sor. 7 - Bhaibheri Rakachena muChindau

Mwamuna

¹ I, kunakanyi kwetsoka dzako dzinemagwada, A mukunda wamambo! Zvizva zvako zvakaita zvimburumbwa kudai ngezvinemeso zvinomutengo mukuru, mushando wenyara dzouwo uri ngwazi.

² Mukumvu wako wakadai ngechidziyo chakatenderera chisikatami zvokumwa. Ndani yako yakadai ngomurwi wekoroni, yakatendenedzwa ngemaruva egofa.

³ Mazamu ako mairi akadai ngemanyambiri emhara.

⁴ Mutsipa wako wakadai ngorusvingo rwenyanga dzenzou. Madziso ako akadai ngemakandwa muHeshibhoni, ngepamusuwo waBhathirabhimu. Miro yako yakadai ngorusvingo rweRebhanoni panooneka Dhamasekhusi.

⁵ Soro rako padera pako rakadai ngeKharmeri, nebvudzi resoro rako rinodzaka rakadai ngejira rakatsvukuruka; mambo wabatwa ngebvudzi rake.

⁶ Kunakanyi nokuringirika kwako, iwewe mudikani mukudakara!

⁷ Chiemo chako chakadai ngomuti womubvumo, nemazamo ako akadai ngezvikore zvemavhini.

⁸ Ndati, ndinozokwira muti womubvumo, ndinozobata matai awo. A, mazamo ako ngaadai ngezvikore zvemavhini, negwema refemero rako rakadai ngeremaapura,

⁹ nokuchingamidza kwemiromo yako kwakadai ngevhini rakapinda kunaka, iro rinomedzwa rechitapira, rechidonha pamiromo nepamazino.

Mukadzi

¹⁰ Ndiri womudikani wangu, nedanha rake riri kwendiri.

¹¹ Uya, mudikani wangu, ngatibude tiende kumunda, nokuata mumaguta.

¹² Ngatifumire kumuka tiende kuminda yemivhini, tione kuti mivhini yatunga here, nokuti mavhini abeuka, nemaphomegraniti atunga. Naapo ndinozokupa rudo rwangu.

¹³ Mamandrekisi anobudisa gwema rakanaka, nepadera pemisiwo yedu dziripo mbeu dzeshe dzemichero yakanaka, mitsva nemisharuka yendakaunganidzira iwewe, mudikani wangu.