Sor. 4 - Bhaibheri Rakachena muChindau

Mwamuna

¹ Ringira, kunakanyi kwewakaita mudikani wangu; wakanyanya kunaka! Madziso ako akadai ngeemagora pashi penyunzu dzako. Bvudzi rako rakadai ngomutanga wembudzi idzo dzinooneka dziri pamutunhu weGireadhi.

² Mazino ako akadai ngomutanga wemakwai agundwa awo abuda kubva mukugezwa; anobereka rimwe ngarimwe manyambiri, akuna narimwe pakati pawo risina mwana.

³ Miromo yako yakadai ngetambo yakatsvuka, kuringirika kwomuromo wako kwakanaka. Matama ako akadai ngezvigurwa zviiri zvephomegraniti ngepashi pemambure ako.

⁴ Mutsipa wako wakadai ngorusvingo rwaDhavhidha rwakaakwa ngemisara; padera parwo pakaturikwa zvokurwa ndizvo gumi remazana, zveshe zvihlangu zvengwazi.

⁵ Mazamu ako mairi akadai ngemanyambiri emhara, anofura pakati pemaruva egofa.

⁶ Metsa zuva ribude, nemabvute atize, ndinozoenda kumutunhu wemure nokumutunhu wemakha.

⁷ Iwewe wakaperera kunaka, mudikani wangu; auna pakaremara.

⁸ Uya neni kubva Rebhanoni, muroorwa wangu, uya neni kubva Rebhanoni. Ibva pamutunhu Amana, kubva pamutunhu Seniri neHermoni, kubva kumapako emhondoro, kubva pamitunhu yemakamba.

⁹ Iwewe wakatora mwoyo wangu, hanzvadzi yangu, muroorwa wangu; iwewe wakatora mwoyo wangu ngerimwe remadziso ako, ngechinemeso chimwe chomutsipa wako.

¹⁰ A kutapiranyi kworudo rwako, hanzvadzi yangu, muroorwa wangu! Kunakanyi kworudo rwako kupinda vhini, negwema remafuta ako kupinda makha eshe okuzora!

¹¹ Miromo yako, A muroorwa wangu, inobomha udosvi unotapira; uchi nomukaka zviri pashi porurumi rwako; negwema rezvokusimira zvako rakadai ngegwema reRebhanoni.

¹² Munda wakashosherwa hanzvadzi yangu, muroorwa wangu munda wakashosherwa, chinyuka chakadumaidzwa.

¹³ Zvisimwa zvako munda wemiti yemaphomegraniti, munemichero yakanaka, hena nenardhi,

¹⁴ nardhi nesafironi, kharamusi nekhinamoni, nemiti yeshe yegwema rakanaka; mure, nemagavakava, nazvo zveshe zvinonuhwira zvinomutengo mukuru.

¹⁵ Rwizi rwemumunda, chinyuka chemvura yokupona, nendwizi dzinopopoma dzinobva Rebhanoni.

Mukadzi

¹⁶ Muka, iwewe dutu redera; uuye, A dutu rokubani! Vhuvhuta padera pomunda wangu, kuti gwema ririmwo ripwititikire kweshe. Mudikani wangu ngaapotere mumunda wake, adye michero yake yakanaka.