Neh. 10 - Bhaibheri Rakachena muChindau

¹ Padera pechinyorwa chineruphau pane aya mazina: Nehemia mutongi, mukororo waHakharia, naZedhekia;

² Seraia, Azaria, Jeremia,

³ Phashuri, Amaria, Marikhija,

⁴ Hatushi, Shebhania, Marukhi,

⁵ Harimu, Meremothi, Obhadhia,

⁶ Dhanieri, Ginethoni, Bharukhi,

⁷ Meshuramu, Abhija, Mijamini,

⁸ Maazia, Bhirigai naShemaia. Ava ndivo vapristi.

⁹ NevaRevhi: Jeshua mukororo waAzania, Bhinui wevakororo vaHenadhadhi, naKadhimieri;

¹⁰ nehama dzavo, Shebhania, Hodhia, Kerita, Pheraia, Hanani,

¹¹ Mikha, Rehobhi, Hashabhia,

¹² Zakuri, Sherebhia, Shebhania,

¹³ Hodhia, Bhani naBheninu.

¹⁴ Nevatungamiriri vevanhu: Pharoshi, Phahathimoabhi, Eramu, Zatu, Bhani,

¹⁵ Bhuni, Azigadhi, Bhebhai,

¹⁶ Adonija, Bhigivhai, Adhini,

¹⁷ Ateri, Hezekia, Azuri,

¹⁸ Hodhia, Hashumu, Bhezai,

¹⁹ Harifi, Anathothi, Nebhai,

²⁰ Magipiashi, Meshuramu, Heziri,

²¹ Meshezabheri, Zadhoki, Jadhua,

²² Pheratia, Hanani, Anaia,

²³ Hoshea, Hanania, Hashubhi,

²⁴ Haroheshi, Phiriha, Shobheki,

²⁵ Rehumu, Hashabhina, Maaseia,

²⁶ Ahia, Hanani, Anani,

²⁷ Marukhi, Harimu naBhaana.

Chitenderano

²⁸ Vamweni vevanhu, vapristi, vaRevhi, vangwariri vemisiwo, vaembi, vashandi vomutemperi, naavo veshe vaiya vakadziparadzanisa pachavo kubva kuvanhu venyika, vakabatirira kuita mipango yaMwari, vakadzi vavo, vakororo vavo nevanasikana vavo, avo veshe vaiya noruziyo, nokuzwisisa,

²⁹ vakabatana nehama dzavo, vakuru vavo, vakapinda muchituko nemhiko yokuhamba mumipango yaMwari, iyo yakapuwa kubudikidza ndiMosi muranda waMwari, nokungwarira nokuita mipango yeshe yaMambo Mwari, Mambo wedu, zvitongero zvake nezviemeso zvake.

³⁰ Atizoroodzi vanasikana vedu kuvanhu vomunyika nokuti kuroora vanasikana vavo kuita vakadzi vevakororo vedu;

³¹ nokudai vanhu venyika vechiunza zviro zvokutengesa nokuti zviyo ngezuva reSabatha kuti vazvitengese, atizozvitengi kubva kwevari ngezuva reSabatha, nokuti ngezuva rakacheneswa; nesu tinozorekera kusima zviyo mugore rechinomwe, nokurekera kudaidza kuripirwa chikwerete kunyazwi ngechiri.

³² Isusu takadziitirawo mitemo, kuti tibhadhare gore ngegore magramu mashanu esirivha kuripira mushando wemhatso yaMwari wedu:

³³ Misara yezvingwa, midiro yezviyo inoangirwa zuva ngezuva, midiro yokupisha inoangirwa, maSabatha, kutawa kwomwedzi mutsva, madhiri akaemeswa, zvipo zvakachena, nemidiro yezvishaishi kuripira vaIsuraeri, nomushando weshe wemhatso yaMwari wedu.

³⁴ Nesu takaitawo mabhigidha pakati pevapristi, vaRevhi, nevanhu, kuti tione kuti ndiani unozopa munikero wehuni, kudziunza mumhatso yaMwari wedu, kudai ngokuteererana kwemhatso dzemadzibaba edu, panguva yakaemeswa, gore ngegore, kupishira paarita Mambo Mwari, Mwari wedu, kudai ngezvakanyorwa mumupango.

³⁵ Tinodziemesera pachedu kuti tiunze michero yokutanga yevhu redu, nemichero yokutanga yemiti yeshe yemichero, gore ngegore kumhatso yaMambo Mwari;

³⁶ tiunzewo kumhatso yaMwari wedu, kuvapristi vanoshanda mumhatso yaMwari wedu, matangwe evakororo vedu, neezvifuyo zvedu, kudai ngezvezvakanyorwa mumipango, nezvokutanga kubarwa zven'ombe dzedu nemakwai edu;

³⁷ nokuti tiunze hlama youfu hwomutanguro wedu, neminikero yedu, michero yembeu dzeshe dzemiti, vhini nemafuta, kuvapristi, kumakamera emhatso yaMwari wedu; nokuunza kuvaRevhi zvegumi kubva kuivhu redu, ngokuti ndivo vaRevhi vanounganidza zvegumi zveshe zvemadhorobha edu.

³⁸ Nomupristi mubarirwana waAroni unozoapo pamwepo nevaRevhi, apo vaRevhi pavanoashira zvegumi; nevaRevhi vanozounza chegumi chezvegumi kumhatso yaMwari wedu, kumakamera emhatso yokungwarira upfumi.

³⁹ Ngokuti vanhu vaIsuraeri nevana vevaRevhi vanozounza munikero wezviyo, wevhini idzva, nowemafuta kumakamera emhatso yokungwarira zvidziyo zvakacheneswa, naapo vapristi vanoshanda, vangwariri vemisiwo, nevaembi. Isusu atizosii mhatso yaMwari wedu.