Nduyo 95 - Bhaibheri Rakachena muChindau

Nduyo yoKukudza

¹ Uyai, tiembe kunaMambo Mwari; ngatiembe ngokudakara kubuwe roruponeso rwedu!

² Ngatiuye pamberi pake techibonga; ngatiembe ngokudakara kwaari nduyo dzokukudza.

³ Ngokuti Mambo Mwari, ndiMwari mukurutu, namambo mukuru kupinda zvimwari zveshe.

⁴ Munyara dzake muneudzamu hwomunyika; kuturama kwemitunhu ngokwakezve.

⁵ Ruandhle ngorwake, ngokuti ndiye wakaruita, nenyara dzake dzakaumba nyika yakaoma.

⁶ A uyai, tidire, tigwadame; ngatigwadame pamberi paMambo Mwari, muiti wedu.

⁷ Ngokuti ndiye Mwari wedu, isusu tiri vanhu vembusho yake, nemapwizhi enyara dzake. A nyamashi dai mwechipurutana izwi rake!

⁸ Musakonzesa mwoyo yenyu, kudai ngepaMeribha, kudai ngezuva repaMasa mushango,

⁹ apo madzibaba enyu akandiedza, nokundiedza kunyazwi vaiya vaona mushando wangu.

¹⁰ Ndakasvipa mwoyo ngendaa youwo mubarirwana kwemakore makumi marongomuna, ndakati, “Ava vanhu vanopauka mumwoyo mwavo, avazii njira dzangu.”

¹¹ Ndizvo ndakapika muushungu hwangu kuti, “Avazopoteri mukuzorora kwangu.”