Nduyo 83 - Bhaibheri Rakachena muChindau

¹ A Mwari, usanyarara; usarekera kuereketa nokuti usanyarara, A Mwari.

² Kunyazwi zvino ringirai, magaa ako anoita bope; avo vanokuzonda vamirudza masoro avo.

³ Vanoronga ngourimbwi kuita zvakashata kunevanhu vako; vanopangana pamwepo kurwisa avo vounongwarira.

⁴ Vanoti, “Uyai, tivapedze, kuti vasachaita dzinza; kuti zina raIsuraeri risachazocherechedzwa.”

⁵ Vanopangana ngomwoyo umwewo; vanoita chitenderano chokurwisana newe,

⁶ matende eEdhomu naaIshumaeri, vaMoabhi nevaHagiri;

⁷ vaGebhari, vaAmoni, vaAmareki, vaFiristia, nevagari vomuThire;

⁸ Asiriawo yakabatana navo; ndivo muoko wakagwinya wevana vaRoti. Selah.

⁹ Ita kwevari kudai ngezvowakaita kunevaMidhiani, nokunaSisera naJabhini, paRwizi Kishoni,

¹⁰ avo vakaparadzwa paEnidhori, vakaita kudai ngemadisa enyika.

¹¹ Ita kuti vakuru vavo vadai ndiOrebhi naZeebhi, vatongi vavo veshe kuti vadai ndiZebha naZarimuna,

¹² avo vakati, “Ngatidzitorere nyika yemafuro yaMwari kuita nhaka yedu.”

¹³ A Mwari wangu, ita kuti vadai ngechapupuri, kudai ngamazungu pamberi pedutu.

¹⁴ Kudai ngomuriro unopisha gwasha, nokudai ngomurazvu unopisha matunhu,

¹⁵ ndizvo varumbirire ngomubvumo wako mukuru, uvakarudze ngechamupupuri chako.

¹⁶ Zadze hope dzavo ngezvitsverudzo, kuitira kuti vatsvake zina rako, A Mambo Mwari.

¹⁷ Ngavatsverudzwe, vatyiswe mhera nariini; ngavaparadzwe mukutsveruka.

¹⁸ Ngavazie kuti iwewe wega, zina rako ndiMambo Mwari, Uripadera-pezveshe munyika yeshe. KuneMutungamiriri woKuemba. Nduyo yevakororo vaKhora.