Nduyo 8 - Bhaibheri Rakachena muChindau

¹ A Mambo Mwari, Mambo wedu, kukudzwanyi kunoitwa zina rako munyika dzeshe! Wakaemesa uthende hwako padera pematenga.

² Kubuda kumiromo yevana neyechiya wakadziemesera kuirikidzwa ngendaa yemagaa ako, kunyaradza gaa nomuunzidziri.

³ Naapo ndechiringira kumatenga ako, mishando yezvinwe zvako, mwedzi nenyeredzi zvowakaemesa;

⁴ munhu uri chiinyi kuti ukarakadze ndiye, mukororo womunhu kuti upinimidze ndiye?

⁵ Asi wakamuita mudoko ari pashi kunaMwari, wakamupfekedza ngedzungudza routhende nokuremeredzwa.

⁶ Wakamuita kuti atonge padera pemishando yenyara dzako; ukapfaisa zviro zveshe pashi petsoka dzake,

⁷ makwai eshe nen'ombe dzeshe, nezvikarawo zvomushango,

⁸ shiri dzomudenga nehove dzomuruandhle, cheshe chinohamba ngomunjira dzomuruandhle.

⁹ A Mambo Mwari, Mambo wedu, kukudzwanyi kunoitwa zina rako munyika dzeshe! KuneMutungamiriri woKuemba, ngendaa yoRufu rwoMukororo. Nduyo yaDhavhidha.