Nduyo 75 - Bhaibheri Rakachena muChindau

¹ Tinokubonga, A Mwari; tinobonga; zina rako riri pasinde. Vanhu vanoteketesa mishando yako inoshamisa.

² Panguva yakasisira iyo yendaemesa, ndinozotonga ngokururama.

³ Naapo nyika nevagari vayo veshe ikazungunyika, ndini ndinozoemesa zvitsimiso zvayo. Selah.

⁴ Ndinoti kunevanodzikudza, “Musadzikudza;” nokune vakashata, “Musamirudza runyanga;

⁵ musamirudzira mudenga runyanga rwenyu, nokuti kuereketa munemitsipa yakakukutara.”

⁶ Ngokuti akubvi kumabvazuva nokuti kumabirirazuva, haiwa kubva mushango andikwopi kunobva kumirudzwa.

⁷ Asi Mwari ndiye mutongi; unodzasa umwe pashi, echimirudza umweni.

⁸ Ngokuti munyara mwaMambo Mwari munetsani, inevhini rinopupira, yakazara yakanasa kukumanidzwa, naye unoidurura. Ngegwinyiso vanhu veshe vakashata venyika vanozokamura masese aro, vamwe.

⁹ Asi inini ndinozodakara mhera nariini; ndinozoemba kukudza Mwari waJakobe.

¹⁰ Ndinozotema dzeshe nyanga dzevakashata, asi nyanga dzevakarurama dzinozomirudzwa. KuneMutungamiriri woKuemba nezvimadangari. Nduyo yaAsafi.