Nduyo 63 - Bhaibheri Rakachena muChindau

¹ A Mwari, iwewe ndiwe Mwari wangu, ndinonasa kukutsvaka, mweya wangu unenyota yokuda iwewe; nyama yangu inodisisa iwewe munyika yakaoma neinorembesa, isina mvura.

² Ndizvo ndaringira kwouri mundau yakachena, ndechiona simba rako nouthende hwako.

³ Ngokuti nyasha dzako dzinorudo dzakanaka kupinda kupona, miromo yangu inozokukudza.

⁴ Ndizvo ndinozokukudza ndichararama; ndinozomirudza nyara dzangu ndidaidze zina rako.

⁵ Mweya wangu unogutiswa ngedhiri rakakora, nomuromo wangu unokukudza ngemiromo inodakara.

⁶ Naapo ndechikukarakadza ndiri pamubhedhi wangu, ndechipinimidza ndiwe ngenguva dzemirindo yousiku,

⁷ ngokuti iwewe waiya kudetswa kwangu, ndinozodakara ndiri mumumvuri wemaphaphiro ako, ndinoemba ngokudakara.

⁸ Mweya wangu unobatira kweuri; nyara yako yokumudyo inonditsimisa.

⁹ Asi avo vanotsvaka kuparadza mweya wangu vanozonzvaira muugaro huri pashi penyika.

¹⁰ Vanozopirwa kusimba reshoti, vanozoita chikoaniswa chehava.

¹¹ Asi mambo unozodakara munaMwari; munhu weshe unopika ndiye unozokudza, ngokuti miromo yaavo vanoereketa manyepo inozonyaradzwa. KuneMutungamiriri woKuemba. Nduyo yaDhavhidha.