Nduyo 61 - Bhaibheri Rakachena muChindau

¹ Izwa kuchema kwangu, A Mwari; purutana mukumbiro wangu.

² Kubvira kumagumo enyika ndinodaidza kwouri, apo mwoyo wangu wapera simba. Nditungamirire kubuwe rakareba kupinda inini;

³ ngokuti uri bako rangu rokuhwara, thawa rakagwinya rokuhwara kubva kumagaa anondirwisa.

⁴ Ngandigare mutende rako mhera nariini, ndihware mubvute pashi pemaphaphiro ako. Selah.

⁵ Ngokuti iwewe, A Mwari, wakazwa mhiko dzangu, iwewe wandipa nhaka yeavo vanotya zina rako.

⁶ Rebesa ndaramo yamambo; makore ake ngaawande kumibarirwana yeshe.

⁷ Ngaagadzwe padendemaro pamberi paMwari mhera nariini; A, mumuemesere nyasha dzinorudo nokugondeka, kuti dzimungwarire.

⁸ Ndizvo ndinozoemba kukudza zina rako mhera nariini, ndiripe mhiko dzangu zuva ngezuva. KuneMutungamiriri woKuemba, kunaJedhuthuni. Nduyo yaDhavhidha.