Nduyo 54 - Bhaibheri Rakachena muChindau

¹ Ndiponese, A Mwari, ngezina rako, undipembedze ngesimba rako.

² Izwai mukumbiro wangu, A Mwari; purutana mazwi omuromo wangu.

³ Ngokuti venyika mukanza vandimukira, vanhu vanogebenga vanotsvaka mweya wangu; avazi kuemesa Mwari pamberi pavo.

⁴ Ngegwinyiso, Mwari ndiye mudetseri wangu; Mambo Mwari ndiye mubati wendaramo yangu.

⁵ Unozounzidzira magaa angu ngendaa yokushata kwavo. Muugondeki hwako vaparadze.

⁶ Ngezvipo zvokuda ndinozokuitira mudiro; ndinozobonga zina rako, A Mambo Mwari, ngokuti rakanaka.

⁷ Ngokuti wandinunura mukutambudzika kwangu kweshe, nemadziso angu aona kunyiswa kwemagaa angu. KuneMutungamiriri woKuemba nechimadangari. Nduyo yaDhavhidha.