Nduyo 53 - Bhaibheri Rakachena muChindau

¹ Benzi rinoti mumwoyo mwaro, “Akuna Mwari.” Vakashata, vanoita zvakashata zvinonyangadza; akuna naumwe unoita zvakanaka.

² Mwari ari mudenga unoringira pashi padera pevana vevanhu, kuona kuti varipo here vakangwara, vanotsvaka Mwari.

³ Veshe vapetuka sure, veshe vasvipiswa; akuna naumwe unoita zvakanaka, haiwa, akuna naumwe.

⁴ “Veshe vashandi vezvakashata avana kuzia here, avo vanodya vanhu vangu kudai ngezvevanodya chingwa, navo avakumbiri kunaMwari?”

⁵ Apo vanozoa mukutya kukuru, kusikazi kumboapo. Ngokuti Mwari unozoparadza magodo ouwo usikatendi Mwari; vanozotsverudzwa, ngokuti Mwari wakavaramba.

⁶ A, dai ruponeso rwaIsuraeri rwaibva Zioni! Naapo Mwari oohwirinza upfumi hwevanhu vake, Jakobe unozodakara, Isuraeri unozodakadzwa. KuneMutungamiriri woKuemba nezvimadangari. Nduyo yaDhavhidha apo vaZifi vakaenda vakaronzera Sauri, “Dhavhidha unohwara pakati pedu.”