Nduyo 52 - Bhaibheri Rakachena muChindau

¹ Ngenyi wechidziganzisa, iwewe ngwazi, ngezvakashata zvinoitirwa vasikadi Mwari?

² Zuva reshe iwewe unoronga kuparadza. Rurumi rwako rwakadai ngechisvo chinopinza, iwewe mushandi wourimbwi.

³ Iwewe unopinda kuda zvakashata kunezvakanaka, kunyepa kupinda kuereketa gwinyiso. Selah.

⁴ Iwewe unoda mazwi eshe anouraya, A rurumi runochengedzera.

⁵ Asi Mwari unozokuuraya mhera nariini; unozokubvuka, akutature kubva mutende rako; unozokubvita kubva munyika yevanopona. Selah.

⁶ Vakarurama vanozozviona, vatye, vanozosheka vaiti vezvakashata vechiti,

⁷ “Ringirai uyu ndiye munhu usikazi kuita Mwari bako rake, asi wakagonda muuwandu hwepfuma yake. Wakatsvaka kuhwara muupfumi mukushata kwake.”

⁸ Asi inini ndakadai ngomuti muishi womuorivhi mumhatso yaMwari. Ndinogonda nyasha dzinorudo dzaMwari mhera nariini.

⁹ Ndinozokubonga mhera nariini, ngendaa yezvewakaita. Pamberi pevakagondeka ndinozoteketesa zina rako ngokuti rakanaka. KuneMutungamiriri woKuemba. Kudai ngokuMaharathi. Nduyo yaDhavhidha.