Nduyo 47 - Bhaibheri Rakachena muChindau

¹ Emberai nyara dzenyu, mweshe imwimwi mbeu dzevanhu; daidzirai kunaMwari ngenduyo dzokudakara.

² Ngokuti Mambo Mwari, Uwo uri padera pezviro zveshe, unotyisa, mambo mukuru padera penyika yeshe.

³ Wakapfaisa vanhu pashi pedu, nemadzinza pashi petsoka dzedu.

⁴ Wakatitsanangurira nhaka yedu, unaku hwaJakobe uwo waanoda.

⁵ Mwari wakwira ngokudaidzira, Mambo Mwari wakwira ngokurira kwehwama.

⁶ Embai kukudza Mwari, embai kukudza; embai kukudza Mambo wedu, embai kukudza.

⁷ Ngokuti Mwari ndiye mambo wenyika yeshe; embai kukudza ngenduyo.

⁸ Mwari ndiye mambo padera pemadzinza; Mwari unogara padendemaro rake rakachena.

⁹ Vatongi vemadzinza vanoshongana pamwepo kudai ngezvinoita vanhu vaMwari waAbrahama. Ngokuti zvihlangu zvenyika ngezvaMwari; iye unokudzwa kakurutu. Nduyo yeVakororo vaKhora.