Nduyo 46 - Bhaibheri Rakachena muChindau

¹ Mwari ndiye bako redu nesimba redu, ndiye mudetseri uri pasinde mukutambudzika.

² Ndizvo atizotyi kunyazwi nyika yanyazopinduka, kunyazwi matunhu anozozungunyiswa mukati mweruandhle;

³ kunyazwi mvura yawo yanyatinhiira, ikakupakupa, kunyazwi matunhu anyazungunyiswa nokututuma kwayo. Selah.

⁴ Ruripo rwizi urwo mvura yarwo inodakadza dhorobha raMwari, ugaro hwakachena hwouwo Uripadera-pazveshe.

⁵ Mwari uri mukati mwedhorobha, arizozungunyiswi; Mwari unozoridetsera mumambakwedza.

⁶ Madzinza ari mubope gurutu, umambo hwazungunyiswa; unoereketa izwi rake, nyika yakanyunguruka.

⁷ Mambo Mwari wehondo unesu; Mwari waJakobe ibako redu. Selah.

⁸ Uyai, muringire mishando yaMambo Mwari, kuparadza kwakakura kwakadai kwaakaunza munyika.

⁹ Unoita kuti kurwa kunyarare metsa kumagumo enyika; unogura uta, unoguragura mukhondo kuita zvigurwa; unopisha zvihlangu ngomuriro.

¹⁰ “Nyararai muzie kuti inini ndini Mwari! Ndinokudzwa pakati pamadzinza, ndinokudzwa munyika.”

¹¹ Mambo Mwari wehondo unesu; Mwari waJakobe ibako redu. Selah. KuneMutungamiriri woKuemba. Nduyo yeVakororo vaKhora.