Nduyo 43 - Bhaibheri Rakachena muChindau

Mukumbiro woMunhu Uri muUsungwa kuVapara

¹ Ndipembedze, A Mwari, undivhikire ndaa yangu kunedzinza rakashata; kubva pamunhu unochengedzera nousikazi kururama ndirwirenyi!

² Ngokuti iwewe uri Mwari wendinohwara mwaari; wandirasha ngenyi? Ndinohambirenyi ndechitsumba ngendaa yokutambudzwa ngemagaa?

³ Tuma kujeka kwako negwinyiso rako; ngazvinditungamirire; ngazvindiunze kuchitunhu chako chakachena nokuugaro hwako.

⁴ Zvino ndinozoenda kuarita raMwari, kunaMwari uri kudakara kwangu kukurutu. Ndinozokukudza ngembira, A Mwari, Mwari wangu.

⁵ Unokandirwa pashi ngenyi, mweya wangu? Unotambudzika ngenyi mukati mwangu? Gonda munaMwari; ngokuti ndichazomukudzazve, mudetseri wangu naMwari wangu. KuneMutungamiriri woKuemba. Nduyo yeVakororo vaKhora.