Nduyo 4 - Bhaibheri Rakachena muChindau

¹ Ndipingure apo ndoodaidza, A Mwari wokururama kwangu! Wakandisunhura apo pendaitambudzika. Ndiitire nyasha, uzwe mukumbiro wangu.

² Imwimwi vakororo vevanhu, kukudzwa kwangu kunozopindurwa kuita chimene mukuwo wakaitawani? Munozoda mazwi asina shwiro mukuwo wakaitawani, nokutsvaka manyepo? Selah.

³ Asi ziai kuti Mambo Mwari wakadzipaurira pachake vakagondeka; Mambo Mwari unozozwa apo pendinomudaidza.

⁴ Tsenekai, musashaisha; pinimidzai ndizvo muri mumibhedhi yenyu, munyarare. Selah.

⁵ Ipai midiro yakarurama, mugonde munaMambo Mwari.

⁶ Varipo vazhinji avo vanoti, “A, kuti tione zvakanaka! Mambo Mwari, mirudza kujeke kwehope yako kujeka padera pedu!”

⁷ Wakaisa kudakara mumwoyo mwangu, kupinda nguva apo zviyo zvavo nevhini ravo zvaiwanzwa.

⁸ Ndinozoata pashi ndechiata hope mukunyarara; ngokuti iwewe wega, Mambo Mwari, unoita kuti ndiate pashi mukungwaririka. KuneMutungamiriri woKuemba, neMinanzi. Nduyo yaDhavhidha.