Nduyo 3 - Bhaibheri Rakachena muChindau

¹ Mambo Mwari, kuwandanyi kwaakaita magaa angu! Vazhinji vanondimukira.

² Vazhinji vanoti kwendiri, “Amuna kudetserwa kweuri munaMwari.” Selah.

³ Asi iwewe, Mambo Mwari, uri chihlangu chinonditendenedza, uthende hwangu, nounomirudza soro rangu.

⁴ Ndinochema ndechidaidzira kunaMambo Mwari, naye unondipingura ari padunhu rake rakachena. Selah.

⁵ Ndinoata pashi ndiate hope; ndinomukazve, ngokuti Mambo Mwari unondigwinyisa.

⁶ Andityi vanhu makumi gumi emazana, avo vadziemesera kundimukira vanditendenedza.

⁷ Miruka, Mambo Mwari! Ndiponese, Mwari wangu! Ngokuti unomakaya magaa angu eshe parutsaya; unogura mazino evakashata.

⁸ Ruponeso runobva kunaMambo Mwari; rufumiso rwako ngarugare padera pevanhu vako. Selah. KuneMutungamiriri woKuemba, neZvidangari. Nduyo yaDhavhidha.