Nduyo 26 - Bhaibheri Rakachena muChindau

¹ Ndipembedze, Mambo Mwari, ngokuti ndakahamba mukururama kwangu; ndakagonda munaMambo Mwari, ndisikatsvedzuki.

² Ndiringisise, Mambo Mwari, undiedze; edza mweya wangu nomwoyo wangu.

³ Ngokuti nyasha dzako dzinorudo dziri pamberi pokuona kwangu; ndinohamba mugwinyiso rako.

⁴ Andigarisani nevanhu vasina shwiro, nokuti kupotera nevadziitisi.

⁵ Ndinozonda mushongano wevaiti vezvakashata, andizogarisani nevakashata.

⁶ Ndinoshamba nyara dzangu ndisina ndaa; ndinotenderera arita rako, A Mambo Mwari.

⁷ Ndinoemba ngokudaidzira ngoma yokubonga, ndipupure ngemishando yako yeshe inoshamisa.

⁸ Mambo Mwari, ndinoda mhatso iyo younogara, nendau inogara uthende hwako.

⁹ Usaunganidza mweya wangu pamwepo nevashaishi, nokuti ndaramo yangu nevanhu vengazi,

¹⁰ avo, munyara dzavo munokushaisha, nemioko yavo yokumudyo yakazara ngezvitengero.

¹¹ Asi inini ndinohamba mukururama kwangu; ndiripire, undiitire nyasha.

¹² Tsoka dzangu dzinoema mundau yakaterama; mumishongano mikuru ndinozokudza Mambo Mwari. Nduyo yaDhavhidha.