Nduyo 21 - Bhaibheri Rakachena muChindau

¹ Mambo unodakara musimba rako, A Mambo Mwari, nomurudetso rwako unozodakara kwakadini!

² Wakamupa chidisiso chomwoyo wake, auzi kuramba mukumbiro wemiromo yake. Selah.

³ Unomutendenedza ngezvifumiso zvakanaka; nokuisa dzungudza romukore wakaera pasoro rake.

⁴ Wakakumbira kwouri kupona, newe wakamupa, uwandu hwemazuva mhera nariini.

⁵ Ukuru hwake hukuru kubudikidza ngorudetso rwako; unoisa padera pake mbiri noumambo.

⁶ Waisa padera pake zvifumiso mhera nariini; wamuita kuti adakare ngokuapo kwako.

⁷ Ngokuti mambo unogonda munaMambo Mwari; kubudikidza ngenyasha dzinorudo dzeUri-padera-pazveshe aazotsukunuswi.

⁸ Nyara yako inozoona eshe magaa ako; nyara yako yokumudyo inozoona avo vanokuzonda.

⁹ Unozovaita kuti vadai ngomuriro wechoto chikuru apo pounozooneka. Mambo Mwari unozovamedza muushungu hwake, nomuriro unozovapedza.

¹⁰ Unozoparadza mibarirwana yavo panyika, norusinga rwavo kubva pakati pevana vevanhu.

¹¹ Kudai vechironga kukuitira zvakashata, kudai vechironga zano rakashata, avazobudiriri.

¹² Ngokuti unozovaita kuti vatize; ngokuti iwewe unozokwanya uta hwako kufura hope dzavo.

¹³ Kudzwai, A Mambo Mwari, musimba rako! Tinozoemba kukudza simba rako. KuneMutungamiriri woKuemba. Nduyo yaDhavhidha.