Nduyo 2 - Bhaibheri Rakachena muChindau

Mambo Wakatsanangurwa ndiMwari

¹ Ngenyi madzinza echironga kumukira nevanhu vechipinimidza chiro chisina shwiro?

² Madzimambo enyika anodziemesera pachawo, nevatongi vechipangana pamwepo, kurwa naMambo Mwari nowakadzodzwa wake vechiti,

³ “Ngatidambure zvisungo zvavo, tirashe mapote avo, abve kwetiri.”

⁴ Iye unogara mumatenga unosheka; Mambo Mwari unozovatsverudza.

⁵ Zvino unozoereketa kwevari muushungu hwake, nokuvakarudza mukushishwa kwake kukuru echiti,

⁶ “Ndagadza mambo wangu paZioni, pamutunhu wangu wakachena.”

⁷ Ndinozoronza chiemeso chaMambo Mwari: Wakati kwendiri, “Iwewe uri mukororo wangu; nyamashi ndakubara.

⁸ Kumbira kwendiri, neni ndinozokupa madzinza kuita nhaka yako, nemagumo enyika kuita pfuma yako.

⁹ Unozovaputsa ngendonga yesimbi, unozovaputsa kuita zvigurwa kudai ngehari yomuumbi.”

¹⁰ Ndizvo zvino ngwarai, imwimwi madzimambo; munyowedzwe, imwimwi vatongi venyika.

¹¹ Shandirai Mambo Mwari ngokutya, mwechihuta.

¹² Muchingamidzei mukororo ngomuromo, kuti asazonyangadzwa nemwi mupere munjira; ngokuti ushungu hwake hunokasira kubaka. Vanomuchena veshe vanoponera mwaari. Nduyo yaDhavhidha apo paakatiza mukororo wake Abhusaromu.