Nduyo 149 - Bhaibheri Rakachena muChindau

Nduyo yoKukudza

¹ Kudzai Mambo Mwari! Embai kunaMambo Mwari nduyo itsva, kukudzwa kwake mumushongano wevakagondeka.

² Isuraeri ngaadakare ngowakamusika; vana veZioni ngavadakare munaMambo wavo.

³ Ngavakudze zina rake ngokuzvina; ngavaembe kumukudza ngengoma yesimbi nechimadangari.

⁴ Ngokuti Mambo Mwari unodakara ngevanhu vake; unonemesa vakapfaa ngoruponeso.

⁵ Vakagondeka ngavadakare kakurutu muuthende; ngavaembe ngokudakara vari pamibhedhi yavo.

⁶ Kukudzwa kukuru kwaMwari ngakua mumiromo yavo, neshoti dzineupanga huiri munyara dzavo,

⁷ kuunzidzira madzinza, nokuorora padera pembeu dzevanhu,

⁸ kusunga madzimambo avo ngemaketani, nevakuru avo ngemanguri esimbi,

⁹ kuunzidzira padera pavo kutonga kwakanyorwa. Uku kuremeredzwa kwevakagondeka vake veshe. Kudzai Mambo Mwari!