Nduyo 146 - Bhaibheri Rakachena muChindau

MuKukudzwa kwaMwari Muponesi

¹ Kudzai Mambo Mwari! kudza Mambo Mwari, A mweya wangu!

² Ndinozokudza Mambo Mwari apo ndichararama; ndinozoemba kukudza Mwari wangu ndichapona.

³ Musagonda vatongi, ngokuti vanofa, mwaari amuna rudetso.

⁴ Naapo mweya wavo peunobuda, unohwirira mumavhu; pazuva ririro, urongwa hwavo hunopera.

⁵ Unomuchena uwo kudetswa kwake ndiMwari waJakobe, uwo gonda rake riri munaMambo Mwari, Mwari wake,

⁶ uwo wakasika denga nenyika, ruandhle, nazvo zveshe zvirimwo; unongwarira gonda mhera nariini.

⁷ Unotongera ngokururamisa vanotambudzwa, uwo unopa kudya kunevane nzara. Mambo Mwari unosunhura mabhanditi.

⁸ Mambo Mwari unobeura madziso emapofu; Mambo Mwari unomirudza avo vakakotamiswa pashi; Mambo Mwari unoda vakarurama.

⁹ Mambo Mwari unongwarira vapara; unotsimisa nherera neshirikadzi, asi njira yavakashata unoiparadza.

¹⁰ Mambo Mwari unozotonga mhera nariini, Mwari wako, A Zioni, wemibarirwana yeshe. Kudzai Mambo Mwari!