Nduyo 142 - Bhaibheri Rakachena muChindau

¹ Ndinochema kunaMambo Mwari ngeizwi rangu; ndinopota kunaMambo Mwari ngeizwi rangu.

² Ndinodurura pamberi pake zvichemo zvangu; ndinoronza kwaari kutambudzika kwangu.

³ Apo mweya wangu wapera simba mukati mwangu, iwewe unoizia njira yangu. Vakanditeya ngemirau munjira yendinohamba ndiyo.

⁴ Ringira kunyara yangu yokumudyo, uone, ngokuti akuna munhu unondionawo; akuna bako rokuhwara rasarira inini; apana munhu unongwarira mweya wangu.

⁵ Ndinochemera kwouri, A Mambo Mwari; ndinoti, “Iwewe ndiwe bako rangu; ndiwe chikoaniswa changu munyika yevanopona.”

⁶ Purutana kuchema kwangu, ngokuti ndinodzaswa pashi kakurutu. Ndinunure kubva kuvatambudzi vangu ngokuti vanondipinda ngesimba.

⁷ Budisa mweya wangu kubva mutirongo, kuti ndibonge zina rako. Vakarurama vanozonditendenedza, ngokuti iwewe unozondiitira zvakapinda kunaka. Nduyo yaDhavhidha.