Nduyo 140 - Bhaibheri Rakachena muChindau

¹ Ndinunure, A Mambo Mwari, kubva kunevaiti vezvakashata; ndingwarire kubva kuvanhu vari zvigebenga,

² avo vanoronga zvakashata mumwoyo yavo; vanogara vechimusa kurwa hondo.

³ Vakarodzera rurumi rwavo kudai ngenyoka; ukaira hwemabuura huri pashi pemiromo yavo. Selah.

⁴ Ndingwarire, A Mambo Mwari, kubva munyara dzevakashata; ndingwarire kubva kuvanhu vari zvigebenga, varonga kuwa kwangu.

⁵ Vanodzikudza vanditeya ngomurau nemapote; vatambanudza mambure pamhiri penjira, vanditeya ngomukuni. Selah.

⁶ Ndati kunaMambo Mwari, “Iwewe ndiwe Mwari wangu.” Izwa izwi rokupota kwangu, A Mambo Mwari.

⁷ A Mambo Mwari, mununuri wangu wakagwinya, iwewe wakafukidza soro rangu pazuva rokurwa.

⁸ Usapa, A Mambo Mwari, kunevakashata zviemuriro zvavo; usakukumidza mazano avo akashata, kuti vasadzikudza. Selah.

⁹ Avo vanonditendenedza vanomirudza masoro avo mudenga; kushata kwemiromo yavo ngakuvambonye!

¹⁰ Masimbe anobaka ngaawire padera pavo! Ngavakandirwe mumarindi omuriro, muhunza dzakadzama, mwevasikazobudimwo!

¹¹ Musatendera munyepi kuti atsimiswe munyika; kushata ngakukasire kuwira padera pechigebenga nokuchiparadza.

¹² Ndinozia kuti Mambo Mwari unorwira ndaa yevanotambudzwa, nokutongera varombo ngokururamisa.

¹³ Ngegwinyiso vakarurama vanozobonga zina rako; vakarurama vanozogara mukuona kwako. Nduyo yaDhavhidha.