Nduyo 130 - Bhaibheri Rakachena muChindau

¹ Ndinochemera kwouri, A Mambo Mwari, ndiri muudzamu.

² Mambo Mwari, izwa izwi rangu! Nzee dzako ngadzipurutane izwi rokupota kwangu!

³ Kudai iwewe, Mambo Mwari, ungaerenga zvishaishi, A Mambo Mwari, ndiani ungaema?

⁴ Asi kuripo kurekererwa kwouri, kuti uremeredzwe.

⁵ Ndinogarira Mambo Mwari, mweya wangu unogarira, ndinogonda muizwi rake.

⁶ Mweya wangu unogarira Mambo Mwari, kupinda avo vanogarira mambakwedza, kupinda avo vanogarira mambakwedza.

⁷ A Isuraeri, gonda munaMambo Mwari; ngokuti nyasha dzinorudo dziri munaMambo Mwari, kwaarizve riripo simba rokuripira kukurutu.

⁸ Ndiye unozoripira Isuraeri kubva mukushata kweshe. Nduyo yokukwira. Nduyo yaDhavhidha.