Nduyo 128 - Bhaibheri Rakachena muChindau

¹ Unomuchena munhu weshe unomutya Mambo Mwari, unohamba munjira dzake.

² Unozodya michero yomushando wenyara dzako; unozodakara, zvinozonaka kwouri.

³ Mukadzi wako unozodai ngevhini rinobereka michero mukati mwemhatso yako; vana vako vanozodai ngezvisimwa zvemiorivhi, vechitendenedza tafura rako.

⁴ Ringira, munhu unomutya Mambo Mwari unozofumiswa kudaro.

⁵ Mambo Mwari ngaamufumise, ari muZioni. Uone kunaka kweJerusarema mazuva eshe okurarama kwako.

⁶ Uone vana vevana vako. Kunyarara ngakugare padera paIsuraeri! Nduyo yokukwira.