Nduyo 125 - Bhaibheri Rakachena muChindau

¹ Avo vanogonda munaMambo Mwari vakadai ngeDunhu reZioni, risikakoni kutsukunuswa, asi rinogara mhera nariini.

² Kudai ngematunhu anotendenedza Jerusarema, ndizvo Mambo Mwari unotendenedza vanhu vake, kubvira zvino mhera nariini.

³ Ngokuti ndonga youmambo hwevakashata aizotsimiswi padera penhaka yevakarurama, kuti vakarurama vasatambanudzira nyara dzavo kunezvakashata.

⁴ Ita zvakanaka, A Mambo Mwari, kuneavo vakanaka, nokuneavo vakarurama mumwoyo yavo.

⁵ Asi ngendaa yeavo vanopauka kuenda munjira dzavo dzakashongoroka, Mambo Mwari unozovabudisa kuvadzinga pamwepo nevashandi vezvakashata. Kunyarara ngakugare naIsuraeri! Nduyo yokukwira.