Nduyo 122 - Bhaibheri Rakachena muChindau

¹ Ndakadakara apo vakati kwendiri, “Ngatikwire kuenda kumhatso yaMambo Mwari!”

² Tsoka dzedu dzinoema mukati mwemisiwo yako, A Jerusarema.

³ Jerusarema iwewe wakaakiwa kudai ngeguta rakatsikana pamwepo.

⁴ Kweriri madzinza anokwirayo, madzinza aMambo Mwari, kudai ngezvakapangwa Isuraeri, kuti vabonge zina raMambo Mwari.

⁵ Ngokuti apo madendemaro okutonga akaemeswapo, madendemaro emhatso yaDhavhidha.

⁶ Kumbirirai kunyarara kweJerusarema: “Avo vanokuda ngavabudirire.

⁷ Kunyarara ngakua pakati pemarukumbati ako, nokugarisika ngakua mungome dzako.”

⁸ Ngendaa yehama dzangu neyeshamwari dzangu, ndinozoti, “Kunyarara ngakugare mwemuri.”

⁹ Ngendaa yemhatso yaMambo Mwari, Mwari wedu, ndichatsvaka kubudirira kwako. Nduyo yokukwira.