Nduyo 12 - Bhaibheri Rakachena muChindau

¹ Detsera, Mambo Mwari, ngokuti apachina naumwe unoda Mwari; vakagondeka vanyangarika kubva pakati pevana vevanhu.

² Vanoereketa manyepo umwe kuneumweni; ngemiromo inochengedzera, nomwoyo miiri vanoereketa.

³ Mambo Mwari ngaagure miromo yeshe inochengedzera, nendimi dzinoereketa kudzikudza kwakakura,

⁴ avo vanoti, “Ngorurumi rwedu tinozonyisa; miromo yedu ngeyedu; ndiani uri mambo wedu?”

⁵ “Ngendaa yokutambudzwa kwevarombo, nokufemurika kwevatami, ndomiruka zvinopano,” unoronza Mambo Mwari. “Ndinozovaisa mukungwaririka ukwo kwevanodisisa.”

⁶ Zvigondiso zvaMambo Mwari zvigondiso zvakaperera; zvakadai ngesirivha yakanyunguruswa pachoto panyika, yakaereswa kanomwe.

⁷ Iwewe, Mambo Mwari, unozotingwarira, unozotirwira kubva muzero iro metsa nariini.

⁸ Parupande rweshe vakashata vanonyangwira, apo kugebenga kwechikudzwa pakati pevakororo vevanhu. KuneMutungamiriri woKuemba. Nduyo yaDhavhidha.