Nduyo 113 - Bhaibheri Rakachena muChindau

MuKukudza Mambo ngoKunaka kwake

¹ Kudzai Mambo Mwari! Kudzai, imwimwi varanda vaMambo Mwari, kudzai zina raMambo Mwari.

² Ngarikudzwe zina raMambo Mwari kubvira zvino mhera nariini.

³ Kubvira pakubuda kwezuva metsa kubira kwezuva zina raMambo Mwari rinosisira kukudzwa.

⁴ Mambo Mwari uri mukuru kupinda madzinza eshe, nembiri yake inopinda matenga.

⁵ Ndiani wakadai ndiMambo Mwari, Mwari wedu, uwo unechigaro chake chakaturama,

⁶ uwo unoringira kuretu pashi mudenga nezviri munyika?

⁷ Unomirudza murombo kubva mubukuta, nokumirudza mutami kubva mudurunhuru remadota,

⁸ kuti amugadzike pamwepo nevatongi, pamwepo nevatongi vevanhu vake.

⁹ Unopa mukadzi ngomwa mhatso, nokumuita mai vanodakara ngevana. Kudzai Mambo Mwari!