Mazwi 29 - Bhaibheri Rakachena muChindau

¹ Munhu unogara echirambidzwa, asi echiangira kukonzesa mutsipa wake, unozoparadzwa ngokukasira, pasina kudetserwa.

² Apo vakarurama vari mukutonga, vanhu vanodakara; asi apo vakashata vechitonga, vanhu vanogwimba.

³ Mwana unoda ungwaru unodakadza mubereki wake, asi uwo unogara nehure unopedza upfumi hwake.

⁴ Ngokutonga kwakanaka mambo unogwinyisa nyika yake, asi uwo unoashira mare yokutengerwa unoiputsa.

⁵ Kunyazwi ndiani unoradzikidza muakirwana wake unoisa mambure mutsoka dzomuakirwana.

⁶ Mukupauka kwewakashata munomurau, asi wakarurama unoemba nokudakara.

⁷ Vakarurama vanozia kutonga kwakanakira varombo; vakashata avana kuzwisisa kwakadaro.

⁸ Vaangarari vanopisha dhorobha ngomurazvu, asi vakangwara vanodzinga ushungu.

⁹ Kuti munhu wakangwara anendaa nebenzi, kunozoapo kunyangadzwa nokusheka pasina kunyarara.

¹⁰ Vanenyota yokuparadza ngazi vanozonda uwo wakarurama, navo vanotsvakisisa kuparadza mweya wewakarurama.

¹¹ Benzi rinobudisa pamhene kushata kwoushungu hwaro, asi wakangwara unodzibata.

¹² Kudai mutongi echipurutana manyepo, nduna dzake dzeshe dzinoita dzakashata.

¹³ Murombo nomutambudzi vanoshongana pamwepo: Mambo Mwari unojekisa madziso avo veshe.

¹⁴ Kudai mambo echitonga varombo ngokururamisa, dendemaro rake rinozogwinyiswa mhera nariini.

¹⁵ Ndonga nokupanga zvinopa ungwaru, asi mai vanotsverudzwa ngemwana usikazi kupangwa.

¹⁶ Apo vakashata vari mukutonga, kupauka kunowanda, asi vakarurama vanozoona kuwa kwavo.

¹⁷ Panga mwana wako, naye unozokupa kuzorora; unozounza kudakara kumwoyo wako.

¹⁸ Apo pasina chioniso, vanhu vanorasha kudzibata; asi uwo unongwarira mupango unodakara.

¹⁹ Muranda aazopangwi ngemazwi ega, ngokuti kunyazwi echizwa, aazopurutani.

²⁰ Unoona here munhu unokasira mukuereketa kwake? Kune kugonda kune benzi kupinda weshe wakadai ndiye.

²¹ Hloko yakarerwa kubvira pauhwana, inozoita magumisiro akashata.

²² Munhu wakanyangadzwa unomusa hasha, nomunhu unoushungu unowanza kupauka.

²³ Kudzikudza kwomunhu kunozomudzasa pashi, asi uwo unomweya wakapfaa unozoremeredzwa.

²⁴ Uwo unoiyana nembavha unonyenya ndaramo yake yemene; unozwa kutuka asikakuronzi.

²⁵ Kutya kwomunhu kunoteya murau; asi uwo unoisa kugonda kwake kunaMambo Mwari unozongwaririka.

²⁶ Vazhinji vanotsvaka kudiwa ngomutongi; asi kutongwa kwakanaka kunobva kunaMambo Mwari.

²⁷ Munhu wakashata chinyangadzo kunevakarurama, asi wakarurama chinyangadzo kunevakashata.