Mazwi 18 - Bhaibheri Rakachena muChindau

¹ Uwo unodzipaura unotsvaka kuda kwake, echionisa kukanyangidza kuneavo veshe vanokutonga kwakanaka.

² Benzi aridakariri mukuzwisisa, asi kwega kudziereketera zverinopinimidza.

³ Naapo panouya kushata, kushoora kunouyawo; nokusikaremeredzwa kunouya kutsverudzwa.

⁴ Mazwi omuromo womunhu imvura yakadzama, nechinyuka choungwaru mukova unoerera.

⁵ Azvizi kunaka kuita mukheto kumunhu wakashata, nokuti kurasha wakarurama mukutonga.

⁶ Miromo yebenzi inounza hasha, nomuromo waro unodaidza kuchaiwa.

⁷ Muromo webenzi ndikwo kuparadzwa kwaro, nemiromo yaro murau waro pacharo.

⁸ Mazwi omunhu unoita gunyengu akadai ngemishuva inonaka, inopinda mukati kumarupande eshe omuiri.

⁹ Uwo unenungo mukushanda ihama yepasinde yomuparadzi.

¹⁰ Zina raMambo Mwari ithawa rakagwinya; vakarurama vanotiziremwo, navo vanopona.

¹¹ Upfumi hwegurudza idhorobha raro rakagwinya, kudai ngorusvingo rwakareba mukupinimidza kwaro.

¹² Kusati kwaguma pakuparadzwa, mwoyo womunhu unodzikudza, asi kudzipfaisa kunotangira kuremeredzwa.

¹³ Kudai uwo unopingura ndaa asati aizwa, zvinoita upenzi nokutsverudzwa kwaari.

¹⁴ Mweya womunhu unozomugwinyisa mukurwara kwake, asi mweya wakaguka ndiani ungaukona?

¹⁵ Mupinimidzo wakangwara unoona kuzia, nenzee yowakangwara inotsvaka kuzia.

¹⁶ Chipo chomunhu chinomubeurira musiwo, nokumuunza pamberi pevanhu vakuru.

¹⁷ Uwo unotanga kupira ndaa yake unooneka akarurama, metsa muakirwana wake auya nokumutsvakisisa.

¹⁸ Kuita mabhigidha kunopedza hasha, anoparadzanisa pakati pevanesimba vanophikisana.

¹⁹ Mukoma wakapumhuniswa unokonza kuiyaniswa kupinda dhorobha; nehasha dzakadaro dzakadai ngemipiningidzo yepangome.

²⁰ Ndani yomunhu inogutiswa ngemichero yomuromo wake; unogutiswa ngezvinowanzwa ngemiromo yake.

²¹ Rufu nokupona zviri musimba rorurumi, navo vanoruda vanozodya michero yarwo.

²² Uwo waona mukadzi waona chiro chakanaka, nokuona nyasha kubva kunaMambo Mwari.

²³ Murombo unokumbira echipota, asi gurudza rinopingura ngehasha.

²⁴ Shamwari dzimweni dzinoedzerera kuita shamwari, asi iripo shamwari inouya pasinde kupinda hama.