Mazwi 16 - Bhaibheri Rakachena muChindau

¹ Urongwa hwomwoyo ngohwomunhu, asi kupingura kworurumi kunobva kunaMambo Mwari.

² Njira dzeshe dzomunhu dzakasukika mukuona kwake, asi Mambo Mwari unopima mweya.

³ Pira mushando wako kunaMambo Mwari, nourongwa hwako hunozogwinyiswa.

⁴ Mambo Mwari wakanasira chiro cheshe kuti chiite zvechakaemeserwa, kunyazwi vashaishi kuzuva rokutambudzika.

⁵ Weshe unodzikudza chinyangadzo kunaMambo Mwari; ngegwinyiso aazokoreri kuororwa.

⁶ Ngorudo nokugondeka kushata kunoripirwa, nokumutya Mambo Mwari munhu unotiza kushata.

⁷ Naapo njira dzomunhu dzechidakadza Mambo Mwari, unoita kuti kunyazwi nemagaa ake ayiyane naye.

⁸ Zvishomani pamwepo nokururama zvakapinda kunaka kuno upfumi hwakawanda husina kururama.

⁹ Mwoyo womunhu unoronga njira yake, asi Mambo Mwari unotungamira zvitsiko zvake.

¹⁰ Kugura ndaa kwakafemerwa kuri mumiromo yamambo; muromo wake aushaishi mukutonga.

¹¹ Zviedzaniso nezvipimo zvakagondeka ngezvaMambo Mwari; zvipimo zveshe zviri mumukhwama mushando wake.

¹² Chinyangadzo kumadzimambo kuti vaite zvakashata, ngokuti dendemaro rinogwinyiswa ngokururama.

¹³ Miromo yakarurama kudakara kwamambo, naye unoda uwo unoereketa zvakarurama.

¹⁴ Ushungu hwamambo inhumwa yorufu; kunyazwi ndiani wakangwara unozouporesa.

¹⁵ Mukujeka kwehope yamambo muno kupona, nenyasha dzake dzakadai ngegore rinounza mvura yokugumisira.

¹⁶ Kwakapinda kwakadini kunaka kuona ungwaru kuno mukore! Nokutsanangura kuzwisisa kunopinda sirivha.

¹⁷ Pato revakarurama ndikwo kubva kunezvakashata; uwo unongwarira njira yake unoponesa mweya wake.

¹⁸ Kudzikudza kunonyusa kuparadzwa, nomweya wokunengama unonyusa kuwa.

¹⁹ Kwakapinda kunaka kuita unemweya wakapfaa pakati pevarombo, pane kukoanisana zvakachakatwa navanodzikudza.

²⁰ Uyo unopurutana ndaa ngokungwara unozobudirira zvakanaka, naye unogonda munaMambo Mwari unodakara.

²¹ Wakangwara mumwoyo unozodaidzwa kuti unozwisisa, nokuereketa zvakanaka kunotutsira kuzia.

²² Ungwaru chinyuka chokupona kwaari unahwo, asi upenzi kuororwa kwemapenzi.

²³ Mwoyo wewakangwara unodzidzisa muromo wake kuereketa kwakanaka, nokututsira kuzia kumiromo yake.

²⁴ Mazwi akanaka akadai ngemisoro youchi, anotapira kumweya, anogwinyisa magodo.

²⁵ Iripo njira inooneka yakanaka kunomunhu, asi magumo ayo injira yorufu.

²⁶ Kuda kudya kwemunhu unoshanda kunomuita kuti ashande ngesimba; nzara yake inomuonga kudaro.

²⁷ Munhu wakashata unoronga zvakashata, nokuereketa kwake kwakadai ngomuriro unopisha.

²⁸ Munhu unopauka unokusha hasha, nomunhu unoreya unoparadzanisa shamwari kwadzo.

²⁹ Munhu unogebenga unonyengerera muakirwana wake, nokumutungamirira munjira isikazi kunaka.

³⁰ Uwo unochonya madziso ake unoronga zviro zvinopaukisa; uwo unopwerudza miromo yake unoita kuti kushata kuitike.

³¹ Soro rachena mvi idzungudza routhende, kuuyirwa munjira yokupona mukururama.

³² Uwo unononoka kutseneka urinane kupinda ngwazi; nouwo unotonga mweya wake unopinda uwo unonyisa dhorobha.

³³ Mabhagidha anoitwa kuda kuzia; asi kuitika kwazvo zveshe ngokwaMambo Mwari ega.