Mar. 4 - Bhaibheri Rakachena muChindau

Zuva raMambo Rinouya

¹ “Ringira, zuva rinouya, rechibaka kudai ngechoto, navo veshe vanodzikudza, veshe vaiti vezvakashata, vanozoita mazungu; zuva rinouya rinozovapisha,” unoronza Mambo Mwari wehondo, “Kuti arizovasiiri runzinde nokuti nhai.

² Asi kwomuri munoremeredza zina rangu, zuva rokururama rinozobuda rinokuponesa mumaphaphiro aro. Munozobuda, mwechitomuka kudai ngemakonyana anobuda muchibaya.

³ Nemwi munozotsikatsika pashi vakashata, ngokuti vanozodai ngemarota pashi petsoka dzenyu, ngeiro zuva rendinozoita izvi,” unoronza Mambo Mwari wehondo.

⁴ “Karakadzai kudzidzisa kwaMosi muranda wangu, zviemeso nezvitongero zvendakamupanga muHorebhi kunevaIsuraeri veshe.

⁵ Ringirai, ndinozomutumira Erija muprofeti risati raguma zuva guru rinotyisa raMambo Mwari.

⁶ Unozopetudza mwoyo yemadzibaba kunevana, nomwoyo yevana kunemadzibaba avo, kuti ndisazouya kuchaya nyika ngechituko.”