Josh. 16 - Bhaibheri Rakachena muChindau

Nyika Yakapuwa Efuremu kuMabirirazuva kwaManase

¹ Nyika yevakakoanisirwa ngemabhigidha vana vaJosefa vakapuwa kubvira Jorodhani ngepasinde peJerikho ngepamvura yeJerikho ngokumabvazuva, kuguma mushango rinokwira kubva Jerikho kuenda kumutunhu Bhetheri;

² Zvino kubva Bhetheri unokwira kuenda Ruzi, kudarika kuenda kumigano yevaAkhi kuguma Atarothi;

³ zvino wechidzaka ngokumabirirazuva kumugano waJafureti, nokudarika kuenda kuguma kumugano weBhethihoroni rokubani, nokuGeza, nokumagumisiro kwayo kwaiya ruandhle.

⁴ Ndizvo vana vaJosefa, Manase naEfuremu, vakaashira nhaka yavo.

Efuremu

⁵ Mugano wenyika yevana vaEfuremu kudai ngokuteererana kwemhuri dzavo waiya wakadai: mugano wenhaka yavo ngorutii rwokumabvazuva waigumira kuAtarothiadha, metsa kuBhethihoroni redera,

⁶ nomugano wakadarika kuenda kwakaringirana noruandhle kuguma Mikhimethathi ngorutii rwedera; nomugano wakakunukukira kuenda kumabvazuva kwaro, kuguma Taanathishiro, wakadarika ngokumabvazuva kwaJanoa.

⁷ Zvino wakadarika kubva Janoa kuguma Atarothi, nokunaNaara, metsa kuguma Jerikho, wakagumira Jorodhani.

⁸ Mugano wakadarika kubva Tapua wakaenda ngokumabvazuva kwebani rinozwi Khana, nomugano kwaro kwaiya kwokuruandhle. Iyi ndiyo nhaka yedzinza revana vaEfuremu kudai ngokuteererana kwemhuri dzavo,

⁹ pamwepo nemadhorobha akatsanangurirwa vana vaEfuremu aiya pakati penyika yevana vaManase, madhorobha eshe nemaguta awo.

¹⁰ Navo avazi kudzinga vaKhenani vaigara Geza; asi vaKhenani vanogara pakati pevaEfuremu metsa nanyamashi, asi vakaitwa hloko.