Josh. 15 - Bhaibheri Rakachena muChindau

Nyika Yakapuwa Judha

¹ Ichi ndicho chikoaniswa chakaitwa ngemabhigidha chiri chevana vaJudha kudai ngokuteererana kwemhuri dzavo; eya, kuguma kumagumo eEdhomu mushango reZini ngokumagumo kwenyika yokubani.

² Nomugano wavo wokubani waibvira kuhumbikumbi yoRuandhle rwoMunyu, kubvira kuchipforo chinoringira kubani.

³ Unobuda nokuenda ngokurutii rwokubani nokukwira kuenda Akrabhimu, wechidarika kuteera kuenda Zini, nawo waikwira ngokurutii rwokubani metsa kuguma Kadheshibharanea wechidarika kuteera kuenda Hezironi, nokukwira kuenda Adhari, wechimonerera kuenda Karika.

⁴ Kubvira apo wakateera kuenda Azimoni, nokukwira kuenda kubani kweEgipite; nokupedzisira kwomugano uwo kwaiya kworuandhle. Uyu unozoita mugano wenyu worutii rwokubani.

⁵ Nomugano wokumabvazuva waiya woRuandhle rwoMunyu, metsa kuguma kumuromo weJorodhani. Nomugano kurutii rwedera waibvira kuchipforo choruandhle chiri kumuromo weJorodhani.

⁶ Nomugano waikwira kuenda Bhethihogira, wechidarika kuteera kuenda Bhethiarabha; nomugano waipinda kukwira kuenda kuBuwe raBhohani mukororo waRubheni.

⁷ Nomugano waikwira wechienda Dhebhiri kubvira kuBani raAkho, wechiangirira kuenda dera, wechikunukuka kuringirana neGirigari, riri pamberi pokukwira kuenda Adhumimu, riri ngokurutii rwokubani kwebani; nomugano unodarika kuenda kumvura yeEnishemeshi, nokumagumo kwawo kwaiya Enirogeri.

⁸ Zvino mugano waidarika kuenda ngepasinde pebani romukororo waHinomu metsa kurutii rwokubani rwevaJebhusi; (ndiro Jerusarema); nomugano waidarika kukwira kuenda dera kwomutunhu uri pamberi pebani raHinomu ngokumabirirazuva, uri ngokumagumo kwebani reRefaimu ngokurutii rwedera.

⁹ Zvino mugano wakaenda kubvira ngepadera pomutunhu metsa kuguma kuchinyuka chemvura cheNefutoa, nokudarika kuenda kumadhorobha oMutunhu waEfroni; nomugano wakagurwa wechidarika kuenda Bhaara, (ndiro Kiriathijearimu.)

¹⁰ Nomugano wakamonerera kubva Bhaara kuenda kumabirirazuva kuMutunhu Seira, kudarika kuteera kurutii rwoMutunhu Jearimu, (ndiro Khesaroni,) ngorutii rwedera, wechidzaka kuenda Bhethishemeshi, nokudarika kuenda Thimina.

¹¹ Nomugano wakadarika kuenda ngokurutii rwedera rweEkironi, nomugano wakamonerera kuenda Shikeroni, nokudarika kuteera kuenda kuMutunhu Bhaara, nokudarika kuenda Jabhineeri; zvino magumo omuganu aiya ruandhle.

¹² Nomugano wokumabirirazuva waiya woRuandhle Rukuru, kumahumbikumbi arwo. Uyu ndiwo mugano wenyika yevanhu vaJudha, kumarutii eshe anotendenedza kudai ngokuteererana kwemhuri dzavo.

Kharebhu Unonyisa Hebroni neDhebhiri

¹³ Kudai ngokupanga kwaMambo Mwari kunaJoshua, kunaKharebhu mukororo waJefune wakapa chikoaniswa chake pakati pevana vaJudha, dhorobha raAbha dhorobha reHebroni (Abha vaiya baba vaAnaki.)

¹⁴ NaKharebhu wakadzinga kubva umwo vakororo vatatu vaAnaki, ndiSheshai, naAhimani, naTharimai, vakororo vaAnaki.

¹⁵ Naye wakakwira kubvapo kuenda kuvagari veDhebhiri: zvino zina raDhebhiri ngepamberi raiya Kiriathiseferi.

¹⁶ NaKharebhu wakati, “Uwo unozoparadza Kiriathiseferi, nokurinyisa ndinozomupa Akhisa mwanasikana wangu kuti aite mukadzi wake.”

¹⁷ NaOthinieri mukororo waKhenazi, munun'una waKharebu, wakarinyisa, naye wakamupa Akhisa mwanasikana wake kuti aite mukadzi wake.

¹⁸ Naapo aguma kwaari, wakamunyengerera kuti akumbire kunababa ake munda, naye wakadzaka kubva pambongoro yake; naKharebhu wakati kwaari, “Unodenyi?”

¹⁹ Naye wakapingura, “Ndipe chifumiso; ngokuti wakandipa nyika yokubani; ndipezve nezvinyuka zvemvura.” Naye wakamupa zvinyuka zvedera nezvokubani.

Madhorobha aJudha

²⁰ Iyi ndiyo nhaka yedzinza revaJudha kudai ngemhatso dzavo.

²¹ Nemadhorobha okumagumo kwedzinza revanhu vaJudha aiya ngokumugano weEdhomu ngorutii rwokubani aiya Kabhizeeri, naEdheri, Jaguri,

²² Kina, Dhimona, Adhadha,

²³ Kedheshi, Hazori, Ithinani,

²⁴ Zifi, Teremu, Bhearothi,

²⁵ Hazorihadhata, naKeriothihezironi, (ndiro Hazori),

²⁶ Amamu, Shema, Moradha,

²⁷ Hazarigadha, Heshimoni, Bhethiphereti,

²⁸ Hazarishuari, Bheerishebha, Bhiziothia,

²⁹ Bhaara, Iimu, Ezemu,

³⁰ Eritoradhi, Khesiri, Horma,

³¹ Zikiragi, Madhimana, Sanisana,

³² Rebhaothi, Shirihimu, Aini naRimoni. Eshe madhorobha aiya makumi mairi namapfumbamwe nemaguta awo.

³³ Nomubani kwaiya namaguta aya, Eshitaori, Zora, Ashina,

³⁴ Zanoa, Eniganimu, Tapua, Enamu,

³⁵ Jarimuthi, Adhuramu, Sokho, Azeka,

³⁶ Shaaraimu, Adhithaimu, Gedhera naGedherothaimu, madhorobha gumi namarongomuna nemaguta awo.

³⁷ Zenani, Hadhasha, Migidharigadhi,

³⁸ Dhireani, Miziphe, Jokitheeri,

³⁹ Rakhishi, Bhozikathi, Egironi,

⁴⁰ Kabhoni, Ramamu, Kitirishi,

⁴¹ Gedherothi, Bhethidhagoni, Naama naMakedha, madhorobha gumi namatanhatu nemaguta awo.

⁴² Ribhina, Etheri, Ashani,

⁴³ Ifita, Ashina, Nezibhi,

⁴⁴ Keira, Akhizibhi naMaresha, madhorobha mapfumbamwe nemaguta awo.

⁴⁵ Ekironi, pamwepo nemadhorobha ayo nemaguta awo.

⁴⁶ Kubvira Ekironi metsa kuguma kuruandhle, nayo yeshe iri pasinde naAshidhodhi, pamwepo nemaguta awo.

⁴⁷ Ashidhodhi, pamwepo namadhorobha ayo nemaguta awo. Gaza nemadhorobha ayo nemaguta awo, mubani reEgipite noruandhle rukuru nemahumbikumbi.

⁴⁸ Nemitunhu wenyika yeShamiri, Jatiri, Sokho,

⁴⁹ Dhana, Kiriathisana, (ndiro Dhebhiri),

⁵⁰ Anabhi, Eshitemo, Animu,

⁵¹ Gosheni, Horoni naGiro, madhorobha gumi narimwe pamwepo nemaguta awo.

⁵² Arabhi, Dhuma, Eshani,

⁵³ Janimu, Bhethitapua, Afeka,

⁵⁴ Humita, Kiriathiabha, (ndiro Hebroni,) naZiori, madhorobha mapfumbamwe nemaguta awo.

⁵⁵ Maoni, Kharimeri, Zifi, Juta,

⁵⁶ Jezireeri, Jokidheamu, Zanoa,

⁵⁷ Kaini, Gibhea naThimina, madhorobha gumi pamwepo nemaguta awo.

⁵⁸ Harihuri, Bhethizuri, Gedhori,

⁵⁹ Maarathi, Bhethanothi naEritekoni, madhorobha matanhatu pamwepo nemaguta awo.

⁶⁰ Kiriathibhaari, (ndiro Kiriathijearimu) naRabha, madhorobha mairi nemaguta awo.

⁶¹ Mushango, aiya Bhethiarabha, Midhini, Sekaka,

⁶² Nibhishani, Dhorobha roMunyu naEngedhi, madhorobha matanhatu pamwepo nemaguta awo.

⁶³ Asi ngendaa yemaJebhusi vagari veJerusarema, vanhu vaJudha avazi kukona kuvadzinga; ndizvo vaJebhusi vanogara muJerusarema nevana vaJudha metsa nanyamashi.