Josh. 10 - Bhaibheri Rakachena muChindau

VaAmori Vanonyiswa

¹ Naapo Adhonizedheki mambo weJerusarema aiya azwa ngenjira yaakatora ndiyo Joshua Ai, naye ariparadza yaamho echiita kuAi nokunamambo waro kudai ngezvaakaita kuJerikho namambo waro, nenjira yevakaita nevanhu veGibheoni kuti vaiyane nevaIsuraeri, vaiya pakati pavo,

² vakatya kakurutu, ngokuti Gibheoni raiya dhorobha guru, riri rimwe remadhorobha oumambo, raiya guru kupinda Ai, nevamuna varo veshe vaiya ngwazi.

³ Ndizvo Adhonizedheki mambo weJerusarema wakatumira kunaHohamu mambo weHebroni, nokunaPiramu mambo weJarimuthi, nokunaJafia mambo waRakhishi, nokunaDhebhiri mambo weEgironi, echiti,

⁴ “Kwirai kwendiri mundidetsere, kuti tirwe neGibheoni; ngokuti rakaiyana naJoshua nevaIsuraeri.”

⁵ Zvino madzimambo mashanu evaAmori, mambo weJerusarema, mambo weHebroni, mambo weJarimuthi, mambo waRakhishi namambo weEgironi, vakadziunganidza pamwepo, vakakwira, ivo nevarwi vavo veshe, vakaemesa matende avo pamberi peGibheoni, vakarwa naro.

⁶ Navanhu veGibheoni vakatuma kunaJoshua mukamba yeGirigari vechiti, “Usarasha varanda vako; kasira kukwira kwetiri utiponese, utidetsere; ngokuti madzimambo eshe evaAmori vanogara mumitunhu vadziunganidza pamwepo kurwa nesu.”

⁷ Ndizvo Joshua wakakwira kubva Girigari, iye nevanhu veshe vehondo, nevanhu veshe vari ngwazi dzinoshinga.

⁸ Mambo Mwari wakati kunaJoshua, “Usavatya, ngokuti ndavapa munyara dzako; akuna nomunhu naumwe unozokona kuema pamberi pako.”

⁹ Ndizvo Joshua wakauya kwavari ngokujuma, echikwira kubva Girigari usiku hweshe.

¹⁰ NaMambo Mwari wakavaparadza pamberi pevaIsuraeri, vakavauraya ngokuuraya kukurutu muGibheoni, vakavarumbirira kuteera njira inokwira Bhethihoroni, vakavauraya metsa kuguma Azeka naMakedha.

¹¹ Kwakaitika apo vachatiza pamberi pevaIsuraeri, vachadzaka Bhethihoroni, Mambo Mwari wakaposhera matsanza makuru padera pavo kubva mudenga, metsa vakaguma Azeka, navo vakafa; vaiya vakapinda kuwanda vakaurawa ngematsanza kunevakaurawa ngevaIsuraeri ngeshoti.

¹² Ngezuva iro raakapira Mambo Mwari vaAmori kunevana vaIsuraeri, Joshua wakaereketa kunaMambo Mwari mukuona kwevaIsuraeri, “Zuva, ema kutimwii padera peGibheoni, newe mwedzi, kubani reAijaroni.”

¹³ Nezuva rakaema utimwii, nomwedzi wakagara, metsa vanhu vaiya vadziunzidzira padera pemagaa avo. Ichi achizi kunyorwa here muTsamba yaJasha? Ndizvo zuva rakaema mumukana womudenga, arizi kukasira kubira kunonga zuva reshe.

¹⁴ Kwaiya kusina zuva rakadaro ngepamberi nokuti ngesure kweiro, kuti Mambo Mwari apurutane izwi romunhu; ngokuti Mambo Mwari wakarwira vaIsuraeri.

¹⁵ Zvino Joshua wakahwirira nevaIsuraeri veshe kukamba reGirigari.

Joshua Unobata Madzimambo Mashanu veVaAmori

¹⁶ Asi ava madzimambo mashanu akatiza, akadzifisha mubako riri muMakedha.

¹⁷ Kwakaronzerwa kunaJoshua kwechizwi, “Aya madzimambo mashanu akaoneka akahwara mubako riri muMakedha.”

¹⁸ Joshua wakati, “Mburumbudzirai mapuwe makuru pamuromo webako, muemese vanhu apo kuti vavarinde.

¹⁹ Musagara apo, asi rumbirirai magaa enyu, muvauraye vari sure. Musavatendera kuti vapotere mumadhorobha avo, ngokuti Mambo Mwari, Mwari wenyu wavapira munyara dzenyu.”

²⁰ Naapo Joshua nevaIsuraeri vaiya vapedza kuvauraya ngokuuraya kukuru, metsa vaparadzwa veshe, vamweni vakasara vakapotera mumadhorobha akashosherwa.

²¹ Vanhu veshe vakahwirira kukamba kunaJoshua Makedha ngokunyarara; akuna naumwe wakaereketa kurwisana ngorurimi rwake kunevaIsuraeri.

²² Zvino Joshua wakati, “Beurai muromo webako, mubudise awo madzimambo mashanu muvaunze kwendiri kubva mubako.”

²³ Vakaita kudaro, vakabudisa madzimambo mashanu kubva mubako, vakavaunza kwaari, mambo weJerusarema, mambo weHebroni, mambo weJarimuthi, mambo weRakhishi, namambo weEgironi.

²⁴ Apo vaunza kunaJoshua aya madzimambo, Joshua wakadaidza vanhu veshe vaIsuraeri, wakati kunduna dzevanhu vehondo, vaiya naye, “Kwedzerai, mutsike tsoka dzenyu padera pemitsipa yaaya madzimambo.” Navo vakakwedzera, vakatsika tsoka dzavo padera pemitsipa yavo.

²⁵ Joshua wakati kwavari, “Musatya, nokuti kupera simba, itai vane simba, mushinge; ngokuti ichi ndicho chaanozoita Mambo Mwari kumagaa enyu eshe anorwisana nemwi.”

²⁶ Ngesure kweizvo Joshua wakavabaya nokuvauraya, akavaturika pamiti mishanu. Vakati tsudzu pamiti metsa madeekoni.

²⁷ Pakupota kwezuva, Joshua wakapanga, vakavadzasa kubva pamiti, vakavakandira mubako umwo mwevaiya vakahwara; vakaisa mapuwe makuru pamuromo webako, nawo aripo metsa nanyamashi.

Joshua Unotora Nyika dzeVaAmori Zhinji

²⁸ Ngeiro zuva Joshua wakanyisa Makedha wakaribaya ngokupinza kweshoti, wakauraya mambo waro, ivo nevanhu veshe varo; aazi kusiya naumwe. Wakaita kunamambo weMakedha kudai ngezvaakaita kunamambo weJerikho.

²⁹ Joshua wakamiruka kubva Makedha navo veshe vaIsuraeri, vakaenda Ribhina, vakarwa naRibhina.

³⁰ NaMambo Mwari wakaripa kwavari namambo waro, munyara dzevaIsuraeri; naye wakaribaya ngokupinza kweshoti, nevanhu veshe vaiya umwo; aazi kusiya naumwe mukati mwaro. Wakaita kunamambo waro kudai ngezvaakaita kunamambo weJerikho.

³¹ NaJoshua wakabva Ribhina, navaIsuraeri veshe naye, kuenda Rakhishi, vakarikomba, vakarwa naro.

³² Mambo Mwari wakapa Rakhishi munyara dzevaIsuraeri, vakarinyisa ngezuva rechipiri, vakaribaya ngokupinza kweshoti, nevanhu veshe vaiya umwo, kudai ndizvo zveshe zvaakaita kunaRibhina.

³³ Zvino Horamu mambo weGeza wakauya kudetsera Rakhishi; naJoshua wakamubaya nevanhu vake, metsa aazi kusiya naumwe echipona.

³⁴ Kubva Rakhishi Joshua wakapinda nevaIsuraeri veshe vakaguma Egironi; vakarikomba, vakarwa naro.

³⁵ Vakaritora ngeiro zuva, vorovoribaya ngokupinza kweshoti, nevanhu veshe vaiya umwo wakavapedza yaamho ngeiro zuva, kudai ndizvo zveshe zvaaiya akaita kunaRakhishi.

³⁶ Zvino Joshua wakaenda kubva Egironi, nevaIsuraeri veshe naye, kuenda Hebroni; vakarwa naro.

³⁷ Vakaritora, vakaribaya ngokupinza kweshoti, namambo waro, madhorobha aro eshe, nevanhu veshe vaiya umwo; aazi kusiya naumwe echipona, kudai ndizvo zveshe zvaaiya akaita muEgironi; asi wakaripedza yaamho, nevanhu veshe vaiya mukati mwaro.

³⁸ Zvino Joshua wakahwirira nevaIsuraeri veshe naye Dhebhiri; vakarwa naro.

³⁹ Wakarinyisa, namambo waro, nemadhorobha aro eshe; vakavauraya ngokupinza kweshoti, vakapedza yaamho veshe vaiya umwo; aazi kusiya umwe echipona; kudai ngezvaaiya akaita kunaHebroni, nokudai ngezvaakaita kunaRibhina namambo waro, ngokudaro wakaitazve muDhebhiri nokunamambo waro.

⁴⁰ Ndizvo Joshua wakabaya vanhu veshe vokumitunhu, nokubani, nomubani, nevemubandanda nemadzimambo ayo eshe; aazi kusiya naumwe echipona, asi wakavapedza veshe kuuraya avo vaifema, kudai ngezvaakapanga Mambo Mwari, Mwari waIsuraeri.

⁴¹ NaJoshua wakavanyisa kubva Kadheshibharanea metsa kuguma Gaza, nenyika dzeshe dzaGosheni, metsa kuguma Gibheoni.

⁴² Naaya eshe madzimambo nenyika dzavo Joshua wakatora ngenguva imwe, ngokuti Mambo Mwari, Mwari waIsuraeri wakarwira Isuraeri.

⁴³ NaJoshua wakahwirira nevaIsuraeri veshe naye, mukamba reGirigari.