Jer. 39 - Bhaibheri Rakachena muChindau

Kuwa kweJerusarema

¹ Mugore rechipfumbamwe rokutonga kwaZedhekia mambo waJudha, mumwedzi wegumi, Nebhukhadhineza mambo weBhabhuroni nehondo yake yeshe wakauya koorwisana neJerusarema nokurikomba.

² Mugore regumi narimwe rokutonga kwaZedhekia, mumwedzi wechirongomuna, ngezuva rechipfumbamwe romwedziwo, rusvingo rwedhorobha rwakapwanyirwa pashi. Apo perakatorwa Jerusarema,

³ vatongi veshe vamambo weBhabhuroni vakapotera, vakagara pamusiwo uri pakati: Negarisharezeri, Samugarinebho, Sarisekhimu muRabhisarisi, Negarisharezeri muRabhimagi, nevamweni veshe vevatongi vamambo weBhabhuroni.

⁴ Naapo Zedhekia mambo waJudha nevarwi veshe vakavaona, vakatiza kubuda kubanze kwedhorobha usiku ngenjira yomumunda wamambo, ngepamusiwo waiya pakati pemarukumbati mairi; navo vakaenda ngenjira yeArabha.

⁵ Asi hondo yevaKharadhea yakavarumbirira, ikabata Zedhekia murubaya rweJerikho; naapo vamubata vakamuunza kunaNebhukhadhineza mambo weBhabhuroni paRibra, munyika yeHamathi, naye wakamutonga.

⁶ Mambo weBhabhuroni wakauraya vakororo vaZedhekia paRibra mukuona kwake; mambo weBhabhuroni wakaurayawo veshe vakuru vaJudha.

⁷ Wakatumbura madziso aZedhekia, akamusunga ngemanguri, akamutwara kuenda naye Bhabhuroni.

⁸ VaKharadhea vakapisha mhatso yamambo nemhatso dzevanhu ngomuriro; vakaputsira pashi marukumbati eJerusarema.

⁹ Zvino Nebhuzaradhani nduna yevarindi wakatora kuenda Bhabhuroni veshe vevanhu, avo vakasiyiwa mudhorobha, kuvaita vabatwa, naavozve vakatiza kuenda kwaari, pamwepo nevanhu vakasaramwo.

¹⁰ Nebhuzaradhani nduna yevarindi wakasiya munyika yaJudha vamweni vevanhu varombo vasina chiro, naye wakavapa minda yemivhini neminda imweni ngomukuwo umwewo.

Kusunhurwa kwaJeremia

¹¹ Mambo Nebhukhadhineza weBhabhuroni wakapanga Nebhuzaradhani nduna yevarindi ngendaa yaJeremia echiti,

¹² “Mutore, umungwarire, usamuremadza; asi ita kwaari zvaanozokumbira kwouri.”

¹³ Ndizvo Nebhuzaradhani nduna yevarindi, naNebhushazibhani muRabhisarisi, naNegarisharezeri muRabhimagi, nevakuru veshe vamambo weBhabhuroni,

¹⁴ vakatuma, vakabudisa Jeremia kubva muruwanze rwevarindi. Vakamupira kunaGedharia mukororo waAhikamu mukororo waShafani kuti aunzwe kanyi. Ndizvo wakagara nevanhu vake.

Gonda raEbhedhimerekhi

¹⁵ Izwi raMambo Mwari rakauya kunaJeremia, apo achakakonyerwa muruwanze rwevarindi rechiti,

¹⁶ “Enda, uerekete kunaEbhedhimerekhi muEthiopia wechiti, ‘Izvi ndizvo zvinoronza Mambo Mwari wehondo, Mwari waIsuraeri: Ringira, ndichaitira dhorobha iri kudai ngemazwi angu, ndinozounza kushata padera paro, haiwa kunaka, nazvo zvinozoitika pamberi pako ngeiro zuva.

¹⁷ Asi ndinozokuponesa ngeiro zuva, unoronza Mambo Mwari, auzopirwi munyara dzavanhu vounotya.

¹⁸ Ngokuti ngegwinyiso ndinozokuponesa, newe auzofi ngeshoti; asi kupona kwako kunozoitwa kudai ngechakapambwa kuhondo, ngokuti wakagonda mwendiri,’ ” unoronza Mambo Mwari.