Isa. 15 - Bhaibheri Rakachena muChindau

Mwari Unozovaparadza vaMoabhi

¹ Izwi guru ngendaa yevaMoabhi. Ngokuti Ari rakaparadzwa usiku, Moabhi rakaparadzwa; ngokuti Kiri rakaparadzwa usiku, Moabhi rakaparadzwa.

² Dhibhoni wakwira kumhatso yezvimwari, kundau dzakakwirira koochema; Moabhi unochemera Nebho naMedhebha. Soro reshe rine mhanza, nendebvu dzeshe dzinoparwa.

³ Mumapato vanozodzisimidza ngemachira emasaka; padera pematenga emhatso nomundau dzemitambo, weshe unoboorera nokunyunguruka mumisodzi.

⁴ Heshibhoni naEreare anoboorera; mazwi awo anozwika metsa kuJahazi; ndizvo vamuna vanezvokurwa veMoabhi vanochema kakurutu; mweya wake unohuta.

⁵ Mwoyo wangu unochemera Moabhi; vanotiza varo vanotizira Zoa, Egirathisherishiya. Ngokuti pakukwidzwa Ruhithi, vanokwira vechichema; mupato rinoenda Horonaimu vanoboorera kuchemera kuparadzwa.

⁶ Mvura yaNimirimu inooma; mwenje wafota, zvitsva zvakorera kukura, akuna chiro chakasvipira.

⁷ Ndizvo uwandu hweizvo zvevakauyirwa ndizvo, neizvo zvevakaunganidza, vanozvitwara kuenda nazvo kuambuka seri kwerwizi rwemishambagwena.

⁸ Ngokuti kuchema kwatendenedza migano yeMoabhi; kuboorera kwacho kwakaguma Egiraimu, nokuboorera kunoguma Bheerierimu.

⁹ Ngokuti mvura yeDhibhoni yakazara ngengazi; asi ndichaunza zvimweni zvakawanda padera peDhibhoni, mhondoro padera pouwo wakapokonyoka weMoabhi, nepadera paavo vakasara venyika.