Gen. 7 - Bhaibheri Rakachena muChindau

Mvura yeNdambi

¹ Naapo Mambo Mwari wakati kunaNoa, “Pinda mungarava, iwewe nemhuri yako yeshe, ngokuti ndaona kuti uri wakarurama pamberi pangu pamubarirwana uyu.

² Tora newe zviiri zviiri kanomwe pamhuka yeshe yakacheneswa, mukono nehadzi yawo; nokumhuka dzisikazi kucheneswa zviiri zviiri, mukono nehadzi yawo;

³ kushiri dzomumweya zviiri zviiriwo kanomwe, mwamuna nomukadzi wayo, kuti mbeu ingwaririke padera pehope yenyika yeshe.

⁴ Ngokuti ngesure kwemazuva manomwe, neni ndinozoita kuti mvura inaye padera penyika mazuva makumi marongomuna nousiku makumi marongomuna; nezviro zveshe zvinopona zvendakaita ndinozozviuraya kubva padera penyika.”

⁵ Noa wakaita zveshe izvo zvaakapangwa ndiMambo Mwari.

⁶ Noa waiya aane makore mazana matanhatu (600) apo pakauya mvura yendambi padera penyika.

⁷ Noa wakapotera mungarava nevakororo vake nomukadzi wake nevakadzi vevakororo vake, kutiza mvura yendambi.

⁸ Kumhuka dzakasukika nokumhuka dzisikazi kusukika neshiri nokuzviro zveshe zvinogwezva padera pemavhu,

⁹ zviiri zviiri, mukono nehadzi, zvakapotera mungarava naNoa kudai ngezvaakapanga Mwari kunaNoa.

¹⁰ Ngesure kwamazuva manomwe mvura yendambi yakauya padera penyika.

¹¹ Ngegore remazana matanhatu (600) okupona kwaNoa, ngomwedzi wechipiri, ngezuva regumi namanomwe romwedziwo, ngeiro zuva zvinyuka zveshe zvepashi penyika zvakatubuka nemafasitera omudenga akabeurwa.

¹² Nemvura yakanaya padera penyika mazuva makumi marongomuna (40), nousiku makumi marongomuna (40).

¹³ Ngeiro zuva rakatanga kunaya mvura Noa nevakororo vake, Shemu, Hamu naJafethi, nomukadzi waNoa nevakadzi vatatu vevakororo vake, vakapotera mungarava,

¹⁴ ivo nemhuka dzeshe, ngokuteererana kwembeu yadzo, nezvifuyo zveshe ngokuteererana kwembeu yazvo, nazvo zveshe zvipuka zvidoko zvinogwezva padera penyika, ngokuteererana kwembeu yazvo, neshiri dzeshe ngokuteererana kwembeu yadzo, shiri dzeshe dzembeu dzeshe.

¹⁵ Nazvo zvakapotera mungarava naNoa zviiri zviiri zvembeu yeshe yeizvo zvaiya nomweya wokurarama.

¹⁶ Neizvo zvakapoteramwo zvakapotera zviri mukono nehadzi zvembeu yeshe, kudai ngezvaakapanga Mwari, naMambo Mwari wakamukonyeramwo.

¹⁷ Mvura yendambi yakanaya mazuva makumi marongomuna padera penyika; nemvura yakawanzisa ikamirudza ngarava, nayo yakamirudzwa padera penyika.

¹⁸ Mvura yakakwirira, ikawanda kakurutu padera penyika; nengarava yakaangararika padera pemvura.

¹⁹ Nemvura yakakwira kakurutu padera penyika; nemitunhu yeshe yakareba pashi pedenga reshe yakafukidzwa

²⁰ Mvura yakakwira kakurutu metsa yakaita mamitha manomwe padera pemitunhu.

²¹ Nenyama yeshe yakafa yaihamba padera penyika, shiri, zvifuyo, zvikara nazveshe zvinohamba nezvinogwezva padera penyika, nomunhu weshe;

²² zveshe izvo mumiro yazvo zvinomweya yokurarama, zveizvo zveshe zvaipona munyika yakaoma, zvakafa.

²³ Zveshe zvairarama zvakaurawa, izvo zvaiya padera pemavhu, zveshe vanhu nezvifuyo nezvinogwezva neshiri dzomudenga; zvakaparadzwa kubva panyika. NdiNoa ega wakasara, naavo vaiya naye mungarava.

²⁴ Nemvura yakaramba yakakwira padera penyika mazuva zana nemakumi mashanu (150).