Gen. 5 - Bhaibheri Rakachena muChindau

Mibarirwana yaAdhamu

¹ Iri ibhuku remibarirwana yaAdhamu. Naapo paakasika munhu Mwari, wakamusika ngomuedzaniso waMwari.

² Wakavasika mwamuna nomukadzi; akavafumisa, akadudza zina ravo kuti, “Munhu,” ngezuva revakasikwa.

³ Adhamu wakapona makore zana nemakumi matatu (130), wakabara mukororo ngomuedzaniso wake wemene, wakatodzana naye; akadudza zina rake kuti Sethi.

⁴ Nemazuva aAdhamu ngesure kwokubara Sethi aiya makore mazana masere (800); naye wakabara vamweni vakororo nevasikana.

⁵ Nemazuva eshe akapona Adhamu aiya makore mazana mapfumbamwe nemakumi matatu (930), naye wakafa.

⁶ Naapo Sethi apona makore zana nemashanu (105), akabara Enoshi.

⁷ Sethi wakapona ngesure kwokubara Enoshi makore mazana masere nemanomwe (807), akabara vamweni vakororo nevasikana.

⁸ Nemazuva eshe akapona Sethi aiya makore mazana mapfumbamwe negumi namairi (912), naye wakafa.

⁹ Naapo Enoshi apona makore makumi mapfumbamwe (90), akabara Khenani.

¹⁰ Enoshi wakapona ngesure kwokubara Khenani makore mazana masere negumi namashanu (815), akabara vamweni vakororo nevasikana.

¹¹ Nemazuva eshe akapona Enoshi aiya makore mazana mapfumbamwe nemashanu (905), naye wakafa.

¹² Naapo Khenani apona makore makumi manomwe (70), akabara Maharareri.

¹³ Khenani wakapona ngesure kwokubara Maharareri makore mazana masere nemakumi marongomuna (840), akabara vamweni vakororo nevasikana.

¹⁴ Nemazuva eshe akapona Khenani aiya makore mazana mapfumbamwe negumi (910), naye wakafa.

¹⁵ Naapo Maharareri apona makore makumi matanhatu namashanu (65), akabara Jaredhi.

¹⁶ Maharareri wakapona ngesure kwokubara Jaredhi makore mazana masere nemakumi matatu (830), akabara vamweni vakororo nevasikana.

¹⁷ Nemazuva eshe akapona Maharareri aiya makore mazana masere nemakumi mapfumbamwe namashanu (895), naye wakafa.

¹⁸ Naapo Jaredhi apona makore zana nemakumi matanhatu namairi (162), akabara Enokhi.

¹⁹ Jaredhi wakapona ngesure kwokubara Enokhi makore mazana masere (800), akabara vamweni vakororo nevasikana.

²⁰ Nemazuva eshe akapona Jaredhi aiya makore mazana mapfumbamwe nemakumi matanhatu namairi (962), naye wakafa.

²¹ Naapo Enokhi apona makore makumi matanhatu namashanu (65), akabara Methusera.

²² Enokhi wakahamba naMwari ngesure kwokubara Methusera makore mazana matatu (300), akabara vamweni vakororo nevasikana.

²³ Nemazuva eshe akapona Enokhi aiya makore mazana matatu nemakumi matanhatu namashanu (365).

²⁴ Enokhi wakahamba naMwari, naye wakangarangaka; ngokuti Mwari wakamutora.

²⁵ Naapo Methusera apona makore zana nemakumi masere namanomwe (187), akabara Ramekhi.

²⁶ Methusera wakapona ngesure kwokubara Ramekhi makore mazana manomwe nemakumi masere namairi (782), akabara vamweni vakororo nevasikana.

²⁷ Nemazuva eshe akapona Methusera aiya makore mazana mapfumbamwe nemakumi matanhatu nemapfumbamwe (969), naye wakafa.

²⁸ Naapo Ramekhi apona makore zana nemakumi masere namairi (182), wakabara mukororo;

²⁹ wakadudza zina rake kuti Noa echiti, “Uyu unozotiembedzera kubva kumushando wedu, munhamburiko dzenyara dzedu ngendaa yemavhu aakatuka Mambo Mwari.”

³⁰ Ramekhi wakapona ngesure kwokubara Noa makore mazana mashanu nemakumi mapfumbamwe namashanu (595), akabara vamweni vakororo nevasikana.

³¹ Nemazuva eshe akapona Ramekhi aiya makore mazana manomwe nemakumi manomwe namanomwe (777), naye wakafa.

³² Naapo Noa waiya nemakore mazana mashanu (500), Noa wakabara Shemu, Hamu naJafethi.