Gen. 14 - Bhaibheri Rakachena muChindau

Abrama Unonunura Roti

¹ Mumazuva amambo Amraferi weShina, mambo Ariokhi weErasa, mambo Kedhoraoma weEramu, namambo Thidhari weGoyimu,

² madzimambo aya akarwa hondo namambo Bhera weSodhoma, mambo Bhirsha weGomora, mambo Shinabhi weAdhima, mambo Shemebha weZebhoimu, namambo weBhera, (iro ndiro Zoa).

³ Ava veshe vakashongana muBani reSidhimu, (ndiro Ruandhle rwoMunyu.)

⁴ Vakashandira Kedhoraoma makore gumi namairi, asi ngegore regumi namatatu vakamumukira.

⁵ Mugore regumi namarongomuna Kedhoraoma wakauya, namadzimambo awo aiya naye, vakanyisa vaRefaimu muAshiterothi-karenaimu, vaZuzimu muHamu, vaEmimu muShavhe-kiriathaimu,

⁶ nevaHori munyika yemutunhu weSeira, metsa kuguma Eri-pharani, iro riri pamuganu peshango.

⁷ Zvino vakapetuka, vakauya Eni-mishipati, (iro ndiro Kedheshi), vakanyisa nyika yeshe yevaAmareki, navo vaAmori vaigara Hazazoni-thama.

⁸ Zvino mambo weSodhoma, mambo weGomora, mambo weAdhima, mambo weZebhoimu namambo weBhera (iro ndiro Zoa) vakabuda, vakaronga hondo kurwa navo muBani reSidhimu,

⁹ namambo Kedhoraoma weEramu, mambo Thidhari weGoyimu, mambo Amraferi weShina namambo Ariokhi weErasa; madzimambo marongomuna echirwa nemadzimambo mashanu.

¹⁰ Zvino Bani reSidhimu raiya rakazara ngemigodhi yebhithumini; naapo madzimambo eSodhoma neeGomora vatiza, vamweni vakawiramwo, naavo vakasara vakatizira kumutunhu.

¹¹ Magaa akatora pfuma yeshe yeSodhoma neGomora, nokudya kwavo kweshe, vakaenda;

¹² vakatorawo Roti mukororo womunun'una waAbrama, uwo waigara muSodhoma, nepfuma yake, vakaenda.

¹³ Zvino umwe wakapokonyoka, wakauya akaronzera Abrama muHebheru, uwo waigara pamiti yemiokhi yeMamure muAmori, mukoma waEshikhori nomukoma waAna; ava vakabatana pamwepo naAbrama.

¹⁴ Naapo Abrama azwa kuti hama yake yakabatwa kuitwa hloko, wakatungamirira varwi vake vakadzidziswa, vakabarwa mumhatso yake, vaiya mazana matatu negumi navasere (318), wakavarumbirira metsa kuguma Dhani.

¹⁵ Wakapaura varwi vake usiku, iye nevaranda vake, wakavanyisa, akavarumbirira metsa kuguma Hobha, dera kweDhamasekusi.

¹⁶ Wakapetudza pfuma yeshe, akapetudzawo Roti hama yake nepfuma yake, vakadzi nevanhu.

Merekhizedheki Unofumisa Abrama

¹⁷ Ngesure kwokupetuka kwake kubva kwokuuraya Kedhoraoma nemadzimambo aiya naye, mambo weSodhoma wakabuda kooshongana naye muBani reShavhe, (iro ndiro Bani raMambo).

¹⁸ Namambo Merekhizedheki weSaremu wakaunza chingwa nevhini; waiya mupristi waMwari Uripadera-Pezveshe.

¹⁹ Wakamufumisa, akati, “Ngaafumiswe Abrama ndiMwari Uripadera-Pezveshe, muiti wedenga nenyika.

²⁰ Ngaakudzwe Mwari Uripadera-Pezveshe, uwo wakaisa magaa ako munyara dzako.” Abrama wakamupa chimwe chegumi chazvo zveshe.

²¹ Namambo weSodhoma wakati kunaAbrama, “Ndipe vanhu, asi iwewe utore hako pfuma.”

²² Asi Abrama wakati kunamambo weSodhoma, “Ndakapika mhiko kunaMambo Mwari, Mwari Uripadera-Pezveshe, muiti wedenga nenyika,

²³ kuti andizotori katambo, nokuti rusinga rwegwada, nokuti chiro nachimwe chiri chako, kuitira kuti usazoronza kuti, ‘Ndini ndakafumisa Abrama.’

²⁴ Andizotori chiro asi izvo zvakadyiwa ngemajaha, nechikoaniswa chevanhu avo vakaenda neni, Ana, Eshikhori naMamure. Ngavatore chikoaniswa chavo.”