Gen. 10 - Bhaibheri Rakachena muChindau

Mibarirwana yeVana vaNoa

¹ Iyi ndiyo mibarirwana yevakororo vaNoa, Shemu, Hamu naJafethi; vana vakabarwa kwavari ngesure kwendambi.

² Vakororo vaJafethi ndiGoma, Magogi, Madhai, Javhani, Tubhari, Meshekhi naTirasi.

³ Vakororo vaGoma ndiAshikenazi, Rifathi naTogarma.

⁴ Vakororo vaJavhani ndiErisha, Thashishi, Kitimi naDhodhanimu.

⁵ Kubva kuneava kwakabuda vanhu vakapararira mumarutii oruandhle. Umwe ngaumwe ane ndimi yake, ngemhatso dzavo mumadzinza avo.

⁶ Vakororo vaHamu ndiKhushi, Miziraimu, Phuti naKhenani.

⁷ Vakororo vaKhushi ndiSebha, Havhira, Sabhita, Raama naSabhiteka. Vakororo vaRaama ndiShebha naDhedhani.

⁸ Khushi wakabara Nimrodhi; ndiye wakatanga kuita munhu mukuru munyika.

⁹ Waiya phisa muvhimi mukuru pamberi paMambo Mwari; ndizvo zvinozwi, “Kudai ndiNimrodhi phisa muvhimi mukuru pamberi paMambo Mwari.”

¹⁰ Nokuamba kwoumambo hwake hwakaambira paBhabheri, Erekhi, Akadhi naKharine munyika yeShina.

¹¹ Kubva munyika iyo wakabuda kuenda Asiria, akaaka Ninevhe, Rehobhoti-Iri, Kara

¹² naReseni pakati peNinevhe naKara, iro riri dhorobha guru.

¹³ Miziraimu wakabara Rudhimu, Anamimu, Rehabhimu, Nafithuhimu,

¹⁴ Pathirusimu, Kasiruhimu, (kwaari ndikwo kwakabarwa vaFiristia) naKafithorimu.

¹⁵ Khenani wakabara Sidhoni dangwe rake naHethi;

¹⁶ navaJebhusi, vaAmori, vaGirigashi,

¹⁷ vaHivhi, vaAriki, vaSini,

¹⁸ vaArivhadhi, vaZemari nevaHamathi; ngesure kweizvi mhuri dzevaKhenani dzakapararira.

¹⁹ Nomugano wevaKhenani waibvira paSidhoni, wechienda Gera metsa kuguma Gaza; wechidarika wakaringira kuenda Sodhoma, Gomora, Adhima neZebhoimu, metsa kuguma Rasha.

²⁰ Ava ndivo vakororo vaHamu, ngokuteererana kwemhatso dzavo nendimi dzavo, munyika dzavo nomumadzinza avo.

²¹ Shemuwo, baba wevana veshe vaEbha, mukoma mukuru waJafethi, vana vakabarwa kwaari.

²² Vana vaShemu ndiEramu, Ashuri, Aphakishadhi, Rudhi naAramu.

²³ Vana vaAramu ndiUzi, Huri, Geta naMashi.

²⁴ Aphakishadhi wakabara Shera; naShera wakabara Ebha.

²⁵ KunaEbha kwakabarwa vakororo vairi, zina roumwe ndiPheregi; ngokuti ngemazuva ake nyika yakagurwa; nezina romunun'una wake ndiJokithani.

²⁶ Jokithani wakabara Arimodhadhi, Sherefi, Hazamavhethi, Jera,

²⁷ Hadhoramu, Uzari, Dhikira;

²⁸ Obhari, Abhimaeri, Shebha,

²⁹ Ofiri, Havhira naJobhabhi; ava veshe vaiya vakororo vaJokithani.

³⁰ Munyika mwevaigara yaibvira Mesha, yechienda Sefa, mutunhu wenyika yokumabvazuva.

³¹ Ava ndivo vakororo vaShemu, kudai ngokuteererana kwemhatso dzavo, nendimi dzavo, munyika dzavo, kudai ngemadzinza avo.

³² Ava ndivo vemhatso dzevakororo vaNoa, kudai ngokuteererana kwemibarirwana yavo, mumadzinza avo; kubva kune ava madzinza eshe akapararira munyika ngesure kwendambi.