Ezek. 42 - Bhaibheri Rakachena muChindau

Mhatso Mbiri Dziri Pasinde peTemperi

¹ Zvino wakanditungamirira kubuda kuenda muruwanze rwokubanze kwakaringira dera, naye wakandiunza kumakamera akaringirana noruwanze rwetemperi, nokuringirana nemhatso kurutii rwedera.

² Urebu hwemhatso yaiya kumusiwo wedera mamitha makumi mashanu, kupamhama mamitha makumi mairi nemashanu.

³ Pakaringisana nendau yemamitha gumi kupamhama ngeparuwanze rwomukati, pakaringirana nepakakwirira ngeparuwanze rwokubanze kwaiyapo maberere akaturikidzana kuita miturika mitatu.

⁴ Pamberi pemakamera paiya nepokuhamba ndipo mamitha mashanu mukupamhama ngomukati, njira inemamitha makumi mashanu muurebu; nemisiwo yawo yakaringira dera.

⁵ Zvino makamera edera aiya madoko, ngokuti maberere epadera aiya makuru kupinda epashi, nokupinda epakati mumhatso.

⁶ Ngokuti aiya mumiturika mitatu, asi aiya asina sika kudai ngesika dzemaruwanze okubanze; ngendaa iyi makamera epadera aiya akatsonzwa kupinda epashi, neepakati kubva pashi.

⁷ Paiya norukumbati kubanze, rwaienda kumweyo nemakamera, kuenda kuruwanze rwokubanze, ngepamberi pemakamera, urebu hwarwo mamitha makumi mairi nemashanu.

⁸ Ngokuti urebu hwemakamera ari ngokubanze kworuwanze aiya mamitha makumi mairi nemashanu, naawo ari pamberi petemperi aiya mamitha makumi mashanu.

⁹ Pashi peaya makamera paiya nepokuhamba ndipo kupinda kurutii rwokumabvazuva, kuitira kuti munhu apotere mwaari kubva muruwanze rwokubanze.

¹⁰ Mukupamhama kworukumbati rworuwanze kwakagwinyiswa ngokurutii rwokumabvazuva pamberi pendau isina chiro, nepamberi pemhatso paiyapo makamera,

¹¹ nenjira yaiya pamberi pawo; aiya akatodzana nemakamera aiya kurutii rwedera, aiya nourebu nokupamhama kwakatodzana, nemisiwo yawo yeshe nokuemeswa kwawo nemisiwo.

¹² Ndizvo misiwo yemakamera akaringira kubani aipoterwa ngepamusiwo pakuamba kwenjira, kubva ngokumabvazuva, kuteera rukumbati.

¹³ Zvino wakati kwendiri, “Makamera edera neokubani akaringirana nepandau pasina chiro makamera akachena, apo vapristi vanokwedzera kunaMambo Mwari vanozodyisa zviro zvakachenesesa; umwo vanozoisa zviro zvakachenesesa, midiro yezviyo, midiro yokushaisha, nemidiro yokupauka, ngokuti ndau iyo yakachena.

¹⁴ Naapo vapristi vechipotera mundau yakachena, avazobudi kubva kundau yakachena kuenda kundau yoruwanze rwokubanze, asi umwo vanozoisa zvokusimira zvavo zvevanoshandisa, ngokuti izvi zvakachena; vanozopfeka zvokusimira zvimweni, vasati vakwedzera kundau dzevanhu.”

Kupimwa kweNdau yepaTemperi

¹⁵ Naapo apedza kupima mhatso yomukati, wakandibudisa kubanze ngenjira yokumusiwo wakaringira kumabvazuva, nokupima temperi kuritendenedza.

¹⁶ Wakapima rutii rwokumabvazuva ngorutsanga rwokupima, ndirwo mamitha mazana mairi nemakumi mashanu.

¹⁷ Zvino wakapetuka kupima rutii rwedera, rwaiya mamitha mazana mairi nemakumi mashanu ngorutsanga rwokupima ndirwo, kurutendenedza.

¹⁸ Zvino wakapetuka, akapima rutii rwokubani, rwaiya mamitha mazana mairi nemakumi mashanu ngetsanga yokupima ndiyo.

¹⁹ Zvino wakapetukira kurutii rwokumabirirazuva, wakapima ngorutsanga mamitha mazana mairi nemakumi mashanu.

²⁰ Wakaipima kumarutii marongomuna. Yaiya norukumbati rwakaitendenedza, mamitha mazana mairi nemakumi mashanu kureba, nokupamhama kwarwo mamitha mazana mairi nemakumi mashanu, kuti ruite muparadzaniso pakati pendau yakachena neiyo isikazi kucheneswa.