Ezek. 41 - Bhaibheri Rakachena muChindau

¹ Zvino wakandiunza mutemperi, naye wakapima sika dzaiya kurutii rumwe ngarumwe, mamitha matatu kupamhama.

² Kupamhama kwomusiwo kwaiya mamitha mashanu; nemarukumbati mamitha mairi nehafu kutimbara kurutii rumwe ngarumwe. Wakapima urebu hwayo mamitha makumi mairi kureba, kupamhama kwayo mamitha gumi.

³ Zvino wakapotera mukati, akapima sika dzomusiwo, mitha rimwe kureba nemamitha matatu kupamhama, nemarukumbati kumarutii eshe mamitha matatu nehafu kutimbara.

⁴ Wakapima urebu hwekamera hwaiya mamitha gumi akaedzana kweshe kumarutii; nokupamhama kwaro raiya pamberi petemperi. Naye wakati kwendiri, “Iyi indau yakachenesesa.”

Makamera Akaakwa Pasinde peRukumbati rweTemperi

⁵ Zvino wakapima rukumbati rwemhatso, mamitha matatu kutimbara, nokupamhama kwemakamera eshe orutii kwaiya mamitha mairi, kutendenedza mhatso kumarutii eshe.

⁶ Nemakamera orutii aiya muutatu, akaita miturika rimwe padera perimweni, akarongwa kuita makumi matatu pamuturika umwe. Aiyapo akarimbanidzwa kutendenedza kurukumbati rwemhatso kugwinyisa makamera orutii akatendenedza kuitira kuti asatsimiswa ngorukumbati rwemhatso.

⁷ Makamera ekumarutii akapinda kupamhamiswa kubva pamuturika kuenda pamuturika, ngokuti chiemo chemhatso chakaitwa chinepokukwira nokudzaka ndipo, kukwira kutendenedza mhatso. Ngendaa iyi chiemo chakaangira kupamhama kubvira pamuturika kuenda pamuturika. Munhu waikwira kubva kukamera repashi kuenda kunerepadera ngenjira yekamera repakati.

⁸ Ndakaonawo kuti mhatso yaiya nepakakwirira kumarutii eshe kuitendenedza; madzeyo emakamera orutii akapimwa ngorutsanga rwakazara rwemamitha matatu.

⁹ Utindi hworukumbati rwokubanze kwemakamera okurutii hwaiya mamitha mairi nehafu; ndau yakasara pakati pemakamera orutii etemperi,

¹⁰ nemakamera oruwanze kupamhama kwawo kwaiya mamitha gumi kutenderera temperi kumarutii eshe.

¹¹ Misiwo yemakamera okurutii yaibeukira kundau yakasara isina chiro, musiwo umwe wakaringira dera, noumweni musiwo wakaringira kubani; kupamhama kwendau iyo yakasara isina chiro mamitha mairi nehafu kutenderera.

Mhatso Iri kuMabirirazuva

¹² Mhatso iyo yakaringirana noruwanze ngokumabirirazuva raiya mamitha makumi marongomuna nemashanu kureba; norukumbati rwetemperi rwaiya mamitha makumi matatu nemashanu kupamhama kutenderera kweshe, nokutimbara kworukumbati kwaiya mamitha mairi nehafu.

Kupimwa Kweshe kweMhatso yeTemperi

¹³ Zvino wakapima mhatso, urebu hwayo hwaiya mamitha makumi mashanu; ruwanze nemhatso nemarukumbati ayo aiya mamitha makumi mashanu.

¹⁴ Zve, kupamhama kwemberi kwemhatso kwairingira kumabvazuva noruwanze aiya mamitha makumi mashanu.

¹⁵ Zvino wakapima urebu hwemhatso hwairingira muruwanze rwokumabirirazuva, nendau dzayo dzakakwirira kurutii rumwe nokurutii rumweni, aiya mamitha makumi mashanu. Temperi romukati nekamera romukati nemaberere oruwanze

Urongwa Hweshe hwoKuakwa kweTemperi

¹⁶ nesika dzemisiwo, nemafasitera akakonywa, nokutendenedza kweshe miturika mitatu yeshe yaiya nemafasitera nesika. Akaringirana nomusiwo wetemperi, akawarwa ngemapuranga kuatendenedza, kubvira ngepashi metsa kuguma kumafasitera, nemafasitera akafukidzirwa,

¹⁷ kuguma kundau iri padera pomusiwo, kunyazwi kuguma mukamera repakati nokubanze. Nomumarukumbati eshe kutendenedza kamera romukati nokubanze zvaiyapo zvipimo.

¹⁸ Zvakanasirwa ngemakherubhi nemiti yemijindwi, muti womujindwi pakati pekherubhi nekherubhi. Kherubhi rimwe ngarimwe raiya nehope mbiri:

¹⁹ hope yomunhu yakaringira kumuti womujindwi kurutii rumwe, nehope yemhondoro itsva yakaringira kumuti womujindwi kurutii rumweni. Zvaiya zvakanangurwa kudaro kutendenedza temperi reshe.

²⁰ Kubva pashi metsa kuguma padera pomusiwo paiya pakanangurwa makherubhi nemiti yemijindwi, uku ndiko kunasirwa kworukumbati rwetemperi.

²¹ Sika dzomusiwo wetemperi dzaiya nemarupande marongomuna akaedzana. Pamberi pendau yakachena paiya nechiro chaitodzana

Arita roMuti

²² nearita remiti rinemitha rimwe nehafu kureba, kupamhama kwaro mitha rimwe. Makhona aro, urebu hwaro, nemarukumbati aro zvakaakiwa ngemiti. Wakati kwendiri, “Iri ndiro tafura rinoema pamberi paMambo Mwari.”

Misiwo

²³ Temperi nendau yakachena zvaiya nemisiwo miiri yakapetwa.

²⁴ Nomusiwo umwe ngaumwe waiya nemaruvhi mairi, maruvhi mairi anotsudzuka; maruvhi mairi aiya omusiwo umwe, nemaruvhi mairi aiya omusiwo umweni.

²⁵ Padera pemisiwo yetemperi neyendau yakachena paiya pakanangurwa makherubhi nemiti yemijindwi yakadai ngeiyo yakaitwa pamarukumbati; paiyapo nemwamba inoutindi pamberi peberere ngokubanze.

²⁶ Aiyapo mafasitera akakonywa nemiti yemijindwi kurutii rumwe nokurutii rumweni, kumarutii eshe eberere nokumakamera orutii rwemhatso, nematanda anoutindi.